അന്വേഷണം വാർത്തകൾ ലഭിക്കാന് വാട്സാപ്പ് ചാനലില് ചേരൂ.
പ്രശസ്ത എഴുത്തുകാരന് സല്മാന് റുഷ്ദിയുടെ ആരോഗ്യനില ഗുരുതരമായി തുടരുന്നു. ന്യൂയോർക്കിലെ പ്രസംഗവേദിയില് വച്ച് അക്രമിയുടെ കുത്തേറ്റ റുഷ്ദി നീണ്ട ശസ്ത്രക്രിയയ്ക്കു വിധേയനാക്കിയ ശേഷം വെറ്റിലേറ്ററിലാണ്.റുഷ്ദിയുടെ ഒരു കണ്ണിന്റെ കാഴ്ച നഷ്ടപ്പെടാന് സാധ്യതയുണ്ടെന്നാണ് റിപ്പോർട്ട്. കഴുത്തിലും മുഖത്തും ഗുരുതര പരുക്കേറ്റിട്ടുണ്ട്.
കുത്തേറ്റതിന് തൊട്ടുപിന്നാലെ അദ്ദേഹത്തെ ഹെലിക്കോപ്റ്ററില് ആശുപത്രിയിലെത്തിക്കുകയും അടിയന്തര ശസ്ത്രക്രിയയ്ക്ക് വിധേയനാക്കുകയും ചെയ്തിരുന്നു. കൈ ഞരമ്പ് മുറിഞ്ഞിട്ടുണ്ട്. കരളിനും പരിക്കേറ്റുവെന്നാണ് വിവരം.
പടിഞ്ഞാറന് ന്യൂയോര്ക്കിലെ ഷൗതൗക്വ ഇന്സ്റ്റിറ്റ്യൂട്ടില് പ്രസംഗിക്കാനെത്തിയപ്പോഴാണ്റുഷ്ദിയെ വേദിയിലേക്ക് സ്വാഗതം ചെയ്തതിന് പിന്നാലെ ഒരാള് പാഞ്ഞടുത്ത് ആക്രമിച്ചത്.റുഷ്ദി നിലത്തുവീണശേഷമാണ് അക്രമി പിന്വാങ്ങിയത്. സമൂഹികമാധ്യമങ്ങളില് പ്രചരിച്ച ദൃശ്യങ്ങളില് ആളുകള് റുഷ്ദിയെ സഹായിക്കാനായി പാഞ്ഞടുക്കുന്നത് കാണാം. പ്രതിയെ ഉടന് തന്നെ അറസ്റ്റുചെയ്തു.
