അന്വേഷണം വാർത്തകൾ ലഭിക്കാന് വാട്സാപ്പ് ചാനലില് ചേരൂ.ബിഹാറിലെ എന്ഡിഎ സഖ്യത്തിലെ ഉലച്ചിലിന്റെ ഭാഗമായി മുഖ്യമന്ത്രി നിതീഷ് കുമാര് ഉടന് രാജി വയ്ക്കും.ഗവര്ണറെ കാണാന് നിതീഷ് കുമാര് കൂടുതല് സമയം ആവശ്യപ്പെട്ടിരിക്കുകയാണ്. ജെഡിയു എന്ഡിഎയില് നിന്ന് പുറത്തു പോകേണ്ടത് കാലഘട്ടത്തിന്റെ അനിവാര്യതയാണെന്ന് നിതീഷ് കുമാറാണ് എംഎല്എമാരെ അറിയിച്ചിരുന്നത്.
2024ലെ ലോക്സഭാ തെരഞ്ഞെടുപ്പില് ബിജെപിയുമായി ചേര്ന്ന് മുന്നോട്ടു പോയാല് ബിഹാറിലെ ജനങ്ങള് തള്ളിക്കളയുമെന്ന് ഭയക്കുന്നതായി നിതീഷ് കുമാര് അറിയിച്ചിരുന്നു. ഏതാനും മാസങ്ങളായി ബിജെപിയും ജെഡിയുവും തമ്മില് വലിയ അകല്ച്ചയാണ് .ജാതി സെന്സന് ഉള്പ്പെടെയുള്ള വിഷയങ്ങള് ചൂണ്ടിക്കാട്ടിയാണ് ബിജെപിക്കെതിരെ നിതീഷ് നിലപാട് ശക്തമായിരിക്കുന്നത്.
ബിജെപിക്ക് 16 മന്ത്രിമാരാണ് നിതീഷ് കുമാര് മന്ത്രിസഭയിലുള്ളത്. ബിജെപി നേതാക്കള് ഇപ്പോള് പാട്നയിലെത്തിയിട്ടുണ്ടെന്നാണ് വിവരം. 16 മന്ത്രിമാരും ഉടന് രാജിവയ്ക്കുമെന്നും റിപ്പോര്ട്ടുകളുണ്ട്. ഇന്ന് രാവിലെ തന്നെ ബിജെപി നേതൃത്വം നിതീഷ് കുമാറുമായി ചര്ച്ച നടത്താനെത്തിയിരുന്നു. എന്നാല് ഈ അനുനയനീക്കങ്ങളെല്ലാം പാളുകയായിരുന്നു.
