അന്വേഷണം വാർത്തകൾ ലഭിക്കാന്‍ വാട്സാപ്പ് ഗ്രൂപ്പില്‍ ചേരൂ.
പാലക്കാട് അട്ടപ്പാടി നരസിമുക്കില്‍ യുവാവിനെ അടിച്ചുകൊന്നു. കൊടുങ്ങല്ലൂര്‍ സ്വദേശി 22 വയസുള്ള നന്ദകിഷോര്‍ ആണ് കൊല്ലപ്പെട്ടത്.ഇന്ന് പുലര്‍ച്ചെയായിരുന്നു സംഭവം. തോക്കു കച്ചവടവുമായി ബന്ധപ്പെട്ട തര്‍ക്കമാണ് കൊലയിലേക്ക് നയിച്ചത്. സംഭവത്തില്‍ നാല് പേരെ അഗളി പൊലീസ് അറസ്റ്റ് ചെയ്തു. കൂടെയുണ്ടായിരുന്ന സുഹൃത്ത് വിനായകന് മര്‍ദ്ദനത്തില്‍ പരുക്കേറ്റു. ഇയാളെ കോട്ടത്തറ ആശുപത്രിയില്‍ പ്രവേശിപ്പിച്ചു.
കണ്ണൂരില്‍ നിന്ന് തോക്ക് എത്തിച്ച് നല്‍കാമെന്ന് നന്ദകിഷോറും വിനായകനും പ്രതികള്‍ക്ക് വാഗ്ദാനം നല്‍കിയിരുന്നു. ഇതിനായി ഒരു ലക്ഷം രൂപ വാങ്ങിയിരുന്നു. എന്നാല്‍ തോക്ക് കിട്ടാത്തതിനാൽ പ്രതികള്‍ ഇരുവരെയും വിളിച്ചുവരുത്തുകയായിരുന്നു. തുടര്‍ന്നുണ്ടായ വാക്ക് തര്‍ക്കത്തിനിടെയാണ് കൊലപാതകം നടന്നിരിക്കുന്നത്. കേസില്‍ വിപിന്‍ പ്രസാദ്, നാഫി, മാരി, രാജീവ് എന്നിവരെയാണ് അറസ്റ്റിലായത്. ഇതില്‍ മൂന്ന് പേര്‍ അട്ടപ്പാടി സ്വദേശികളും ഒരാള്‍ ചെര്‍പ്പുളശ്ശേരി സ്വദേശിയുമാണ്.
