അന്വേഷണം വാർത്തകൾ ലഭിക്കാന്‍ വാട്സാപ്പ് ഗ്രൂപ്പില്‍ ചേരൂ.
സ്കൂട്ടറിൽ യാത്ര ചെയ്യുന്നതിനിടെ യുവതിയുടെ തലയിൽ തേങ്ങ വീണു. എന്നാൽ യുവതിക്ക് രക്ഷനായത് ഹെൽമറ്റ് ആണ്. ഹെൽമെറ്റ് ധരിച്ചിരുന്നതിനാൽ യുവതിക്ക് അപകടകരമായ പരുക്കുകൾ ഉണ്ടായില്ല. മലേഷ്യയിലെ ജലാൻ ടെലുക് കുംബാറിലാണ് സംഭവം. 28 സെക്കൻഡ് ദൈർഘ്യമുള്ള ഈ വിഡിയോ സമൂഹമാധ്യമങ്ങളിൽ പ്രചരിക്കുന്നുണ്ട്.
സ്കൂട്ടറിൻ്റെ പിന്നിലിരിക്കുന്ന സ്ത്രീയുടെ തലയിലാണ് തേങ്ങ വീണത്. ഇതോടെ ഇവർ റോഡിലേക്ക് വീണു. വീഴ്ചയിൽ ഹെൽമറ്റ് തെറിച്ചുപോകുന്നതും വിഡിയോയിൽ കാണാം. ഉടൻ ആളുകൾ ഓടിക്കൂടി ഇവരുടെ അടുത്തേക്ക് എത്തുന്നതും വിഡിയോയിലുണ്ട്.
