‘ദാരിദ്ര്യവും കഷ്ടപ്പാടും അനുഭവിച്ച ദശലക്ഷങ്ങളുടെ പ്രതിനിധി’; ദ്രൗ​പ​തി മുർമു ഇ​ന്ത്യ​യു​ടെ മി​ക​ച്ച രാ​ഷ്ട്ര​പ​തി​യാ​കുമെന്ന് പ്ര​ധാ​ന​മ​ന്ത്രി

ന്യൂഡൽഹി: എൻഡിഎയുടെ രാഷ്‌ട്രപതി സ്ഥാനാർത്ഥിയായി പ്രഖ്യാപിക്കപ്പെട്ട ദ്രൗപദി മുർമുവിന് വിജയാശംസകൾ നേർന്ന് പ്രധാനമന്ത്രി നരേന്ദ്ര മോദി. ദാരിദ്ര്യവും കഷ്ടപ്പാടുകളും അനുഭവിച്ച ദശലക്ഷക്കണക്കിന് ജനങ്ങൾക്ക് പ്രചോദനമാണ് ദ്രൗപദി മുർമുവിന്റെ ജീവിതം. ഭരണനിർവ്വഹണ കാര്യങ്ങളിലെ അവരുടെ അനുഭവ സമ്പത്തും സഹാനുഭൂതി നിറഞ്ഞ പെരുമാറ്റവും നമ്മുടെ രാജ്യത്തിന് മുതൽക്കൂട്ടാകുമെന്ന് പ്രധാനമന്ത്രി ട്വീറ്റ് ചെയ്തു.

തന്റെ ജീവിതം സാമൂഹ്യ സേവനത്തിനും പാവപ്പെട്ടവരുടെ ഉന്നമനത്തിനും അടിച്ചമർത്തപ്പെട്ടവരുടെയും പാർശ്വവത്കരിക്കപ്പെട്ടവരുടെയും പുരോഗതിക്കും വേണ്ടി ഉഴിഞ്ഞു വെച്ച വ്യക്തിത്വമാണ് ദ്രൗപദി മുർമുവിന്റേത്. മികച്ച നേതൃപാടവവും ഗവർണർ എന്ന നിലയിൽ വളരെ മികച്ച അനുഭവ പരിജ്ഞാനവുമാണ് അവർക്ക് ഉള്ളത്. നമ്മുടെ രാഷ്‌ട്രത്തിന് മികച്ച ഒരു രാഷ്‌ട്രപതിയാകാൻ ദ്രൗപദി മുർമുവിന് സാധിക്കുമെന്ന് എനിക്ക് ഉറപ്പുണ്ട്. പ്രധാനമന്ത്രി ട്വിറ്ററിൽ കുറിച്ചു.
 
 
ഒഡി​ഷ​യി​ൽ നി​ന്നു​ള്ള ആ​ദി​വാ​സി നേ​താ​വാ​ണ് ദ്രൗ​പ​തി മു​ർ​മു. ജാ​ർ​ഖ​ണ്ഡ് മു​ൻ ഗ​വ​ർ​ണ​റു​മാ​ണ്. രാ​ഷ്ട്ര​പ​തി സ്ഥാ​ന​ത്തേ​ക്ക് 20 പേ​രു​ക​ൾ ച​ർ​ച്ച​യാ​യ​തി​ല്‍ നി​ന്നാ​ണ് എ​ൻ​ഡി​എ യോ​ഗം ദ്രൗ​പ​തി മു​ർ​മു​വി​നെ തെ​ര​ഞ്ഞെ​ടു​ത്ത​ത്. 2000 മു​ത​ൽ 2004വ​രെ ഒ​ഡീ​ഷ​യി​ലെ റ​യ്റ​ങ്ക്പൂ​ർ അ​സം​ബ്ലി നി​യോ​ജ​ക മ​ണ്ഡ​ല​ത്തി​ൽ നി​ന്നു​ള്ള എം​എ​ൽ​എ ആ​യി​രു​ന്നു.  മികച്ച എം എൽ എയ്ക്കുള്ള അവാർഡ് ലഭിച്ചിട്ടുണ്ട്. 2015 മെയ് 18 മുതൽ ഝാർഖണ്ഡ് സംസ്ഥാനത്തെ ഗവർണ്ണറായിരുന്നു ദ്രൗപതി മുർമു.