നാഗചെെതന്യയുടെ പുതിയ പ്രണയത്തെപ്പറ്റിയുള്ള ഗോസിപ്പുകൾ പ്രചരിപ്പിച്ചത് മുൻ ഭാര്യയെന്ന് ആരോപണം, ചുട്ട മറുപടിയുമായി സാമന്ത

തെന്നിന്ത്യൻ താരം നാഗചെെതന്യയും നടി ശോഭിത ധൂലിപാലയും തമ്മിൽ പ്രണയത്തിലാണെന്ന തരത്തിലുള്ള വാർത്തകൾ കഴിഞ്ഞ ദിവസം പരന്നിരുന്നു. ഈ വാർത്ത പ്രചരിച്ചതിന് പിന്നിൽ നടി സാമന്തയുടെ പി.ആർ ടീമാണെന്ന ആരോപണം പിന്നാലെ ഉയർന്നിരുന്നു. നാ​ഗചൈതന്യയുടെ പ്രതിച്ഛായ തകർക്കാനുള്ള മുൻഭാര്യയുടെ പദ്ധതിയാണിതെന്നായിരുന്നു ആരോപണങ്ങൾ ഉയർന്നത്. ഇപ്പോഴിതാ ആരോപണങ്ങൾക്കുള്ള മറുപടിയുമായി സാമന്ത തന്നെ എത്തിയിരിക്കുകയാണ്. ട്വിറ്ററിലൂടെയായിരുന്നു താരത്തിന്റെ പ്രതികരണം.

‘പെൺകുട്ടിക്കെതിരെ ​ഗോസിപ്പ് വന്നാൽ അത് സത്യം. ആൺകുട്ടിക്കെതിരെ വന്നാൽ അത് പെൺകുട്ടി ഉണ്ടാക്കിയത്. നിങ്ങളുടെയും നിങ്ങളുടെ കുടുംബത്തിന്റെയും കാര്യം നോക്കൂ’- സാമന്ത കുറിച്ചു. 2017ലായിരുന്നു നാ​ഗചൈതന്യയും സാമന്തയും വിവാഹിതരായത്. 2021 ഒക്‌ടോബറിൽ ഇവർ വിവാഹമോചിതരായി. പരസ്പര ധാരണയോടെയായിരുന്നു വിവാഹമോചനം.