അന്വേഷണം വാർത്തകൾ ലഭിക്കാന്‍ വാട്സാപ്പ് ഗ്രൂപ്പില്‍ ചേരൂ.
പതിമൂന്ന് വയസുകാരനെ നിരന്തരം പ്രകൃതിവിരുദ്ധ പീഡനത്തിനിരയാക്കിയ യുവാവ് അറസ്റ്റില്‍.മലപ്പുറം അരീക്കോട് ആണ് സംഭവം. കണ്ണൂര്‍ പാട്യം ചാമവളയില്‍ വീട്ടില്‍ സി. മഹ്റൂഫാണ് പിടിയിലായത്. കുട്ടിയെ കൗണ്‍സലിങ്ങിന് വിധേയമാക്കിയപ്പോഴാണ് പീഡനവിവരം കുട്ടി വെളിപ്പെടുത്തിയത്. തുടർന്ന് കുട്ടിയുടെ കുടുംബം അരീക്കോട് പൊലീസില്‍ പരാതി നല്‍കി.
പ്രതി പലതവണ പീഡനത്തിന് ഇരയാക്കിയതായി കുട്ടി മൊഴി നല്‍കിയിട്ടുണ്ട്. പൊലീസ് നടത്തിയ അന്വേഷണത്തിലാണ് പ്രതിയെ കോഴിക്കോട് വടകരയിലെ ജോലി സ്ഥലത്തു നിന്ന് കസ്റ്റഡിയിലെടുത്തത്. ഇയാള്‍ക്കെതിരെ പോക്സോ, പ്രകൃതിവിരുദ്ധ പീഡനം ഉള്‍പ്പെടെയുള്ള വകുപ്പുകള്‍ ചുമത്തി. അറസ്റ്റ് ചെയ്ത പ്രതിയെ ഇയാളെ മഞ്ചേരി പോക്സോ കോടതിയില്‍ ഹാജരാക്കിയ ശേഷം റിമാന്‍ഡ് ചെയ്തു.
