അന്വേഷണം വാർത്തകൾ ലഭിക്കാന് വാട്സാപ്പ് ചാനലില് ചേരൂ.
ഡൽഹി: നാഷണല് ഹെറാള്ഡ് കേസില് കോൺഗ്രസ് നേതാവും വയനാട് എംപിയുമായ രാഹുല് ഗാന്ധിയെ എന്ഫോഴ്സ്മെന്റ് ഡയറക്ടറേറ്റ് നാളെ വീണ്ടും ചോദ്യം ചെയ്യും. സോണിയാ ഗാന്ധിയുടെ അനാരോഗ്യത്തെ തുടര്ന്ന് വെള്ളിയാഴ്ച നടക്കേണ്ടിയിരുന്ന ചോദ്യം ചെയ്യല് രാഹുലിന്റെ അഭ്യര്ത്ഥനയെ തുടര്ന്ന് തിങ്കളാഴ്ചത്തേക്ക് മാറ്റുകയായിരുന്നു. കഴിഞ്ഞയാഴ്ച മൂന്ന് ദിവസം തുടര്ച്ചയായി ചോദ്യം ചെയ്തെങ്കിലും കൂടുതല് വിവരങ്ങള് ലഭ്യമാകാനുണ്ടെന്നാണ് ഇഡി വൃത്തങ്ങള് പറയുന്നത്.
അതേസമയം, രാഹുല് ഗാന്ധിയെ വീണ്ടും ചോദ്യം ചെയ്യുമ്പോള് പ്രതിഷേധം കടുപ്പിക്കാനാണ് കോണ്ഗ്രസിന്റെ തീരുമാനം. മുഴുവന് എംപിമാരോടും ഇന്ന് വൈകുന്നേരത്തോടെ ഡൽഹിയിൽ എത്താനാണ് നിര്ദ്ദേശിച്ചിരിക്കുന്നത്. പൊലീസ് തടഞ്ഞാല് എംപിമാരുടെ വീടുകളിലോ ജന്തര്മന്തറിലോ സമരം നടത്താനും തീരുമാനിച്ചിട്ടുണ്ട്.
