അന്വേഷണം വാർത്തകൾ ലഭിക്കാന്‍ വാട്സാപ്പ് ചാനലില്‍ ചേരൂ.2027ലെ ഉത്തർപ്രദേശ് നിയമസഭാ തെരഞ്ഞെടുപ്പിൽ ബിജെപി ടിക്കറ്റിൽ മത്സരിക്കാൻ ആഗ്രഹം പ്രകടിപ്പിച്ച കൊലപാതക കേസ് പ്രതിയുടെ ശിക്ഷ അലഹാബാദ് ഹൈക്കോടതി സ്റ്റേ ചെയ്തു. വാരാണസി സെഷൻസ് കോടതി ശിക്ഷിച്ച നന്ദ്ലാൽ റായ് എന്ന ബബ്ലൂ റായ് സമർപ്പിച്ച അപ്പീലിലാണ് ജസ്റ്റിസ് സിദ്ധാർത്ഥ്, ജസ്റ്റിസ് വിനയ് കുമാർ ദ്വിവേദി എന്നിവരടങ്ങിയ ഡിവിഷൻ ബെഞ്ചിന്റെ ഉത്തരവ്.
സാധാരണക്കാരന്റെ ജീവനോപാധിക്കുള്ള അവകാശവും രാഷ്ട്രീയക്കാരന്റെ തെരഞ്ഞെടുപ്പിൽ മത്സരിക്കാനുള്ള അവകാശവും തമ്മിൽ യാതൊരു കുറവുമില്ലെന്നും, അതിനാൽ അപ്പീലിൽ അന്തിമതീരുമാനം ഉണ്ടാകുന്നത് വരെ ശിക്ഷ സ്റ്റേ ചെയ്യേണ്ടതുണ്ടെന്നും ഒക്ടോബർ 5ലെ ഉത്തരവിൽ കോടതി വ്യക്തമാക്കി.
രാമജന്മഭൂമി പ്രസ്ഥാനത്തിന്റെ സജീവ പ്രവർത്തകനായിരുന്ന പ്രമോദ് കുമാർ നിഗമിന്റെ കൊലപാതകവുമായി ബന്ധപ്പെട്ട കേസിലാണ് ഇയാൾ ശിക്ഷിക്കപ്പെട്ടത്. എന്നാൽ ആദ്യം എഫ്ഐആറിൽ പേരുണ്ടായിരുന്നില്ലെന്നും 17 ദിവസങ്ങൾക്ക് ശേഷമാണ് പേര് ചേർത്തുചേർത്തതെന്നും പ്രതിഭാഗം വാദിച്ചു.
ജനപ്രാതിനിധ്യ നിയമപ്രകാരം രണ്ടു വർഷത്തിൽ കൂടുതൽ തടവുശിക്ഷ ലഭിച്ചവർക്ക് തെരഞ്ഞെടുപ്പിൽ മത്സരിക്കാൻ വിലക്കുണ്ട്. എന്നാൽ അപ്പീൽ ഘട്ടത്തിൽ കോടതി ശിക്ഷ സ്റ്റേ ചെയ്തതോടെ ഈ വിലക്ക് താൽക്കാലികമായി നീങ്ങും. വ്യക്തിഗത ബോണ്ടിന്റെയും രണ്ട് ആൾജാമ്യത്തിന്റെയും അടിസ്ഥാനത്തിലാണ് ജാമ്യം അനുവദിച്ചിട്ടുള്ളത്.
