അന്വേഷണം വാർത്തകൾ ലഭിക്കാന്‍ വാട്സാപ്പ് ഗ്രൂപ്പില്‍ ചേരൂ.കണ്ണൂർ: വിമാനത്തിൽവച്ച് ക്യാബിൻ ക്രൂ 15 വയസ്സുകാരനെ പീഡിപ്പിക്കാൻ ശ്രമിച്ചെന്ന പരാതിയിൽ നടപടിയുമായി എയർ ഇന്ത്യ. വിമാനത്തിൽ ഉണ്ടായിരുന്ന നാലു ക്യാബിൻ ക്രൂ ജീവനക്കാരെയും അന്വേഷണ വിധേയമായി ഫ്ലയിങ് ചുമതലയിൽനിന്നു മാറ്റി. മസ്കത്തിൽനിന്നും കണ്ണൂരിലേക്കു വന്ന വിമാനത്തിൽ വെച്ചാണ് സംഭവം ഉണ്ടായത്.
ജൂൺ അഞ്ചിനായിരുന്നു കുട്ടിയെ പീഡിപ്പിക്കാൻ ശ്രമിച്ചത്. കുറ്റക്കാർക്കെതിരെ മാതൃകാപരമായ നടപടിയെടുക്കുമെന്ന് എയർ ഇന്ത്യ വ്യക്തമാക്കി. പോലീസ് നടത്തുന്ന അന്വേഷണത്തോട് പൂർണമായി സഹകരിക്കുമെന്നും അവർ അറിയിച്ചു.
പ്രതി എയര്‍ ഇന്ത്യ എക്സ്പ്രസ് എയര്‍ക്രൂവായ മുംബൈ സ്വദേശി പ്രസാദിനെതിരെ കണ്ണൂര്‍ എയര്‍പോര്‍ട്ട് പൊലീസ് പോക്സോ ചുമത്തി കേസെടുത്തിരുന്നു. കുട്ടിയുടെ രഹസ്യഭാഗങ്ങളിൽ ഇയാൾ സ്പർശിച്ചു എന്നാണ് പരാതിയിൽ പറയുന്നത്.
