‘ജീവിതത്തിലെ പുതിയ അധ്യായം തുടങ്ങുന്നു’; രാഷ്ട്രീയത്തിലേക്കെന്ന സൂചന നൽകി ഗാംഗുലി

കോ​ൽ​ക്ക​ത്ത: ബി​സി​സി​ഐ പ്ര​സി​ഡ​ന്‍റ് സൗ​ര​വ് ഗാം​ഗു​ലി രാ​ഷ്ട്രീ​യ​ത്തി​ലേ​ക്കെ​ന്ന് സൂ​ച​ന. താൻ ജീവിതത്തിലെ പുതിയ അധ്യായത്തിലേക്ക് കടക്കുകയാണെന്നും ഒരുപാട് പേരെ സഹായിക്കാനാകുന്ന പുതിയ ദൗത്യത്തിന് എല്ലാവരുടെയും പിന്തുണ വേണമെന്നും ഗാംഗുലി പുറത്തുവിട്ട ട്വീറ്റിൽ പറയുന്നു. 
 
30 വ​ര്‍​ഷ​മാ​യി ക്രി​ക്ക​റ്റ് രം​ഗ​ത്തു​ള്ള താ​ന്‍ പു​തി​യൊ​രു സം​ര​ഭം തു​ട​ങ്ങാ​നൊ​രു​ങ്ങു​ക​യാ​ണെ​ന്നും ക്രി​ക്ക​റ്റി​ല്‍ ത​ന്നെ പി​ന്തു​ണ​ക്കു​ക​യും സ്നേ​ഹി​ക്കു​ക​യും ചെ​യ്ത എ​ല്ലാ​വ​രും പു​തി​യ സം​രം​ഭ​ത്തി​ലൂം കൂ​ടെ​യു​ണ്ടാ​ക​ണ​മെ​ന്നു​മാ​ണ് ഗാം​ഗു​ലി ട്വീ​റ്റ് ചെ​യ്ത​ത്.

രാ​ഷ്ട്രീ​യ പ്ര​വേ​ശ​ന​ത്തി​ന് മു​ന്നോ​ടി​യാ​യി ബി​സി​സി​ഐ പ്ര​സി​ഡ​ന്‍റ് സ്ഥാ​നം ഗാം​ഗു​ലി രാ​ജി​വെ​ച്ചേ​ക്കു​മെ​ന്നും ചി​ല ദേ​ശീ​യ മാ​ധ്യ​മ​ങ്ങ​ൾ റി​പ്പോ​ർ​ട്ട് ചെ​യ്യു​ന്നു. എ​ന്നാ​ൽ ഇ​തു​സം​ബ​ന്ധി​ച്ച് ബി​സി​സി​ഐ​യി​ല്‍ നി​ന്ന് ഔ​ദ്യോ​ഗി​ക സ​ഥി​രീ​ക​ര​ണ​ങ്ങ​ളൊ​ന്നു​മി​ല്ല.

ഗാം​ഗു​ലി​യു​ടെ ട്വീ​റ്റ്

1992ല്‍ ​തു​ട​ങ്ങി​യ എ​ന്‍റെ ക്രി​ക്ക​റ്റ് യാ​ത്ര 2002ലെ​ത്തു​മ്പോ​ള്‍ 30-ാം വ​ര്‍​ഷ​ത്തി​ലെ​ത്തി​യി​രി​ക്കു​ന്നു. ക്രി​ക്ക​റ്റ് എ​നി​ക്ക് ഒ​രു​പാ​ട് കാ​ര്യ​ങ്ങ​ള്‍ ന​ല്‍​കി. അ​തി​ലേ​റ്റ​വും പ്ര​ധാ​നം നി​ങ്ങ​ളു​ടെ എ​ല്ലാ​വ​രു​ടെ​യും പി​ന്തു​ണ​യാ​ണ്. എ​ന്‍റെ ഈ ​യാ​ത്ര​യി​ല്‍ പി​ന്തു​ണ​ക്കു​ക​യും എ​ന്നെ ഈ ​നി​ല​യി​ലെ​ത്താ​ന്‍ പ്രാ​പ്ത​നാ​ക്കു​ക​യും ചെ​യ്ത ഓ​രോ​രു​ത്ത​ര്‍​ക്കും ഞാ​ന്‍ ന​ന്ദി അ​റി​യി​ക്കു​ന്നു. ഒ​രു​പാ​ട് പേ​ര്‍​ക്ക് സ​ഹാ​യ​ക​ര​മാ​കു​ന്ന പു​തി​യൊ​രു സം​രം​ഭം തു​ട​ങ്ങാ​നാ​ണ് ഇ​നി ഞാ​ന്‍ ആ​ലോ​ചി​ക്കു​ന്ന​ത്. എ​ന്‍റെ ജീ​വി​ത​ത്തി​ന്‍റെ പു​തി​യ അ​ധ്യാ​യ​ത്തി​ല്‍ നി​ങ്ങ​ളു​ടെ എ​ല്ലാ​വ​രു​ടെ​യും പി​ന്തു​ണ ഉ​ണ്ടാ​വു​മെ​ന്ന് പ്ര​തീ​ക്ഷി​ക്കു​ന്നു.

pic.twitter.com/JrHOVvH3Vi

— Sourav Ganguly (@SGanguly99) June 1, 2022