അന്വേഷണം വാർത്തകൾ ലഭിക്കാന് വാട്സാപ്പ് ചാനലില് ചേരൂ.ജൂണ് 10ന് നടക്കുന്ന രാജ്യസഭാ തിരഞ്ഞെടുപ്പില് മത്സരിക്കുന്ന 10 സ്ഥാനാര്ത്ഥികളുടെ പട്ടിക കോണ്ഗ്രസ് പ്രഖ്യാപിച്ചിരുന്നു.ഇതോടെ പരസ്യമായി അതൃപ്തി പ്രകടിപ്പിച്ച് വിവിധ സംസ്ഥാനങ്ങളിലെ കോണ്ഗ്രസ് നേതാക്കൾ . രാജ്യസഭാ സീറ്റ് നല്കാത്തതില് മഹിളാ കോണ്ഗ്രസ് നേതാവും ചലച്ചിത്രനടിയുമാ നഗ്മക്ക് നിരാശയുണ്ട് .
മഹാരാഷ്ട്രയില് നിന്ന് സ്ഥാനാര്ത്ഥിയായി കോണ്ഗ്രസ് പ്രഖ്യാപിച്ചത് ഉത്തര്പ്രദേശില് നിന്നുള്ള ഇമ്രാന് പ്രപ്തഗിരിയെയാണ്. 18 വര്ഷത്തെ തപസ്സാണ് പൊളിഞ്ഞെന്ന് നഗ്മ തുറന്നടിച്ചു. തനിക്ക് എന്തായിരുന്നു കുറവെന്നും മഹിളാ കോണ്ഗ്രസ് ജനറല് സെക്രട്ടറിയായ കോണ്ഗ്രസ് നേതാവ് നഗ്മ കോണ്ഗ്രസ് നേതൃത്തോട് ചോദിച്ചു.’ 2003/04 ല് കോണ്ഗ്രസില് ചേരുമ്പോള് രാജ്യസഭാ സീറ്റ് ഓഫര് ചെയ്തിരുന്നു. 18 വര്ഷം കാത്തിരുന്നു. ഇതുവരെ ഒരു അവസരം നല്കാന് കോണ്ഗ്രസ് പാര്ട്ടിക്കു കഴിഞ്ഞില്ല. ഇപ്പോള് ഇമ്രാനെ ഉള്പ്പെടുത്തിയിരിക്കുന്നു. സോണിയാജീ, എനിക്ക് അർഹത കുറവാണോ ?‘എന്നാണ് നഗ്മയുടെ ട്വീറ്റ് .
SoniaJi our Congress president had personally committed to accommodating me in RS in 2003/04 whn I joined Congressparty on her behest we weren’t in power thn.Since then it’s been 18Yrs they dint find an opportunity Mr Imran is accommodated in RS frm Maha I ask am I less deserving
— Nagma (@nagma_morarji) May 30, 2022
കോണ്ഗ്രസില് അംഗത്വമെടുക്കുന്ന സമയത്ത് അദ്ധ്യക്ഷ സോണിയാ ഗാന്ധി നഗ്മയ്ക്ക് രാജ്യസഭാ സീറ്റ് വാഗ്ദാനം ചെയ്തിരുന്നുവെന്നാണ് നഗ്മക്ക് സൂചിപ്പിക്കുന്നത്.2004-ല് ബിജെപിയാണ് അംഗത്വവുമായി നഗ്മയെ ആദ്യം സമീപിച്ചിരുന്നത്. പക്ഷേ നഗ്മ കോണ്ഗ്രസ് പാര്ട്ടിയിലാണ് ചേര്ന്നത്.
ജമ്മു കശ്മീര്, ലഡാക്ക്, പുതുച്ചേരി എന്നിവയുടെ ചുമതലയുള്ള മഹിളാ കോണ്ഗ്രസിന്റെ ജനറല് സെക്രട്ടറിയും ഇന്ത്യന് നാഷണല് കോണ്ഗ്രസിന്റെ മുംബൈ വൈസ് പ്രസിഡന്റുമാണ് നഗ്മ. മഹാരാഷ്ട്രയില് ശിവസേനയ്ക്കൊപ്പം ഭരണപക്ഷത്താണ് കോണ്ഗ്രസ് ഉള്ളത്. അധികാരം ഇല്ലാത്തപ്പോള് തഴഞ്ഞതു പോലെ ഇപ്പോഴും അവഗണിക്കുന്നു എന്നാണ് നഗ്മയുടെ പരാതി.
