അന്വേഷണം വാർത്തകൾ ലഭിക്കാന് വാട്സാപ്പ് ചാനലില് ചേരൂ.പഞ്ചാബി ഗായകന് സിദ്ധു മൂസേവാലയുടെ കൊലപെടുത്തിയത് എഎന് 94 റഷ്യന് അസോള്ട്ട് റൈഫിള് ഉപയോഗിച്ചെന്ന് വിവരം. ഈ ആക്രമണത്തില് 8 മുതല് 10 വരെ അക്രമികള് ഉള്പ്പെട്ടിരുന്നു എന്നുള്ള വിവരങ്ങളും പുറത്തുവന്നിട്ടുണ്ട്.
പഞ്ചാബിലെ ഗ്യാങ് വാറിലാണ് എ എന് 94 ന്റെ ഉപയോഗം ആദ്യമായി കാണുന്നത്. എഎന്-94 ഉപയോഗിച്ചാണ് സിദ്ധു മൂസേവാലയെ ആക്രമിച്ചതെന്നാണ് ഏറ്റവും പുതിയ വിവരം. സംഭവസ്ഥലത്ത് നിന്ന് മൂന്ന് റൗണ്ട് എഎന് 94 തോക്കുകള് കണ്ടെടുത്തു. എട്ട് മുതല് പത്ത് വരെ അക്രമികള് ഈ ആക്രമണത്തില് പങ്കെടുത്തതായും സിദ്ധു മുസേവാലയ്ക്ക് നേരെ 30 റൗണ്ടിലധികം വെടിയുതിര്ത്തതായും വിവരമുണ്ട്.വീട്ടില് നിന്ന് കുറച്ച് അകലെയാണ് സിദ്ധു മൂസേവാലയുടെ കൊലപാതകം നടന്നത്.
സിദ്ധു മൂസേവാല വീട്ടില് നിന്ന് ഇറങ്ങിയപ്പോള് മുന്നിലും പിന്നിലുമായി രണ്ട് വാഹനങ്ങളില് വന്ന് കാറിന് നേരെ ആക്രമികള് വെടിയുതിര്ക്കുകയായിരുന്നുവെന്നും ആശുപത്രിയിലെത്തിക്കുമ്പോഴേക്കും മരണം സംഭവിച്ചെന്നും പഞ്ചാബ് ഡിജിപി പറഞ്ഞു.കാറില് ഇരുന്ന മറ്റ് രണ്ട് പേര്ക്കും വെടിയേറ്റതായി ദൃക്സാക്ഷിയായ മെസ്സി പറഞ്ഞു. സിദ്ദുവിന്റെ കാറിന് നേരെ 35 മുതല് 40 റൗണ്ട് വെടിയുതിര്ത്തതായി ദൃക്സാക്ഷികള് പറഞ്ഞു
പരസ്പര ശത്രുതയാണ് ആക്രമണത്തിന് കാരണമെന്നും ഡിജിപി പറഞ്ഞു. സംഭവത്തിന്റെ ഉത്തരവാദിത്വം ഇപ്പോള് കാനഡയിലുള്ള ലോറന്സ് ബിഷ്ണോയി സംഘാംഗമായ ലക്കി ഏറ്റെടുത്തതായി പഞ്ചാബ് ഡിജിപി പറഞ്ഞു. അതേസമയം, ബിഷ്ണോയി വിരുദ്ധ സംഘത്തെ പിന്തുണയ്ക്കുന്നയാളാണ് സിദ്ധു മൂസേവാലയെന്നും വൃത്തങ്ങള് അറിയിച്ചു. സിദ്ധു മൂസേവാല ഉള്പ്പെടെ 424 പേരുടെ സുരക്ഷ പഞ്ചാബ് പോലീസ് പിന്വലിച്ചതിന് തൊട്ടുപിന്നാലെയാണ് ആക്രമണം.
സിദ്ധു മൂസേവാലയുടെ സുരക്ഷ പിന്വലിച്ചതിനെക്കുറിച്ചുള്ള ചോദ്യത്തിന്, മൂസേവാലയ്ക്ക് പഞ്ചാബ് പോലീസിന്റെ 4 കമാന്ഡോകളുണ്ടെന്നും അതില് 2 കമാന്ഡോകളെ സംസ്ഥാനത്ത് ഘല്ലുഘര പ്രവര്ത്തിക്കുന്നതിനാലാണ് പിന്വലിച്ചതെന്നും ഡിജിപി പറഞ്ഞു. വീട്ടില് നിന്ന് ഇറങ്ങിയപ്പോള് മൂസേവാല അംഗരക്ഷകരെ കൂടെ കൊണ്ടുപോയില്ലെന്നും ഡിജിപി പറഞ്ഞു.അക്രമികള് കാര് ഉപേക്ഷിച്ച് രക്ഷപ്പെട്ടെങ്കിലും വാഹനങ്ങളുടെ നമ്പര് പ്ലേറ്റ് വ്യാജമാണ് . മൂസേവാല കൊലക്കേസ് അന്വേഷിക്കാന് പോലീസ് പ്രത്യേക സംഘത്തെയും രൂപീകരിച്ചിട്ടുണ്ട്.
പഞ്ചാബ് നിയമസഭാ തിരഞ്ഞെടുപ്പിന് തൊട്ടുമുന്പാണ് സിദ്ദു കോണ്ഗ്രസില് ചേര്ന്നത്. തുടര്ന്ന് മാന്സയില് നിന്ന് മത്സരിച്ചിരുന്നെങ്കിലും ആം ആദ്മി പാര്ട്ടിയുടെ ഡോ. വിജയ് സിംഗ്ലയോട് 63,000 ത്തോളം വോട്ടുകള്ക്ക് പരാജയപ്പെട്ടു. അഴിമതി ആരോപണത്തിന്റെ പേരില് അടുത്തിടെ പഞ്ചാബ് മുഖ്യമന്ത്രി ഭഗവന്ത് മാന്, വിജയ് സിംഗ്ലയെ പുറത്താക്കിയിരുന്നു.കഴിഞ്ഞ മാസം, സിദ്ധു മൂസേവാല തന്റെ ഏറ്റവും പുതിയ ഗാനമായ ‘സ്കേപ്പ് ഗോട്ട്’ എന്ന ഗാനത്തില് ആം ആദ്മി പാര്ട്ടിയെയും അതിന്റെ അനുഭാവികളെയും വിമര്ശിച്ചത് വിവാദമായിരുന്നു. സിദ്ധു തന്റെ ഗാനത്തില് എഎപി അനുഭാവികളെ ‘ഗദ്ദര്’ എന്ന് വിളിച്ചെന്നായിരുന്നു ആരോപണം.
