അന്വേഷണം വാർത്തകൾ ലഭിക്കാന് വാട്സാപ്പ് ചാനലില് ചേരൂ.
കൊച്ചി: ജൂണ് ഒന്നിന് കൊച്ചി മെട്രോയില് വിദ്യാര്ത്ഥികള്ക്കും അധ്യാപകര്ക്കും യാത്ര സൗജന്യം. പുതിയ അധ്യയന വര്ഷം ആരംഭിക്കുന്നതിന്റെ പശ്ചാത്തലത്തിലാണ് തീരുമാനം.
അന്നേ ദിവസം രാവിലെ ഏഴുമണി മുതല് ഒമ്പത് മണിവരെയും ഉച്ചയ്ക്ക് 12.30 മുതല് 3.30 വരെയുമാണ് വീട്ടില് നിന്ന് സ്കൂളിലേക്കും തിരിച്ചും സൗജന്യമായി സൗജന്യയാത്ര.
ഒന്നുമുതല് പന്ത്രണ്ടാം ക്ലാസ് വരെയുള്ള വിദ്യാര്ത്ഥികള്ക്കാണ് സൗജന്യ യാത്രയ്ക്ക് അര്ഹതയുണ്ടാവുക. സൗജന്യയാത്രയ്ക്കായി വിദ്യാര്ത്ഥികളും അധ്യാപകരും തിരിച്ചറിയല് കാര്ഡ് കൗണ്ടറില് ഹാജരാക്കണം.
കൂടാതെ മെട്രോ സ്റ്റേഷനുകളിലും ട്രെയിനുകളിലും ഇനി മുതൽ വിവാഹ ഷൂട്ടിന് അനുമതി നല്കി. ഒരു കോച്ച് അല്ലെങ്കിൽ മൂന്ന് കോച്ച് ബുക്ക് ചെയ്യാം. നിർത്തിയിട്ടിരിക്കുന്ന ട്രെയിനിലും ഓടുന്ന ട്രെയിനിലും ഷൂട്ട് ചെയ്യാവുന്നതാണ്. നിർത്തിയിട്ടിരിക്കുന്ന ട്രെയിനിൽ രണ്ട് മണിക്കൂർ ഷൂട്ട് ചെയ്യാൻ 5000 രൂപയാണ് നിരക്ക്.
