‘എ​ക്കാ​ല​വും സ​ർ​ക്കാ​രി​ന് ശമ്പ​ളം ന​ൽ​കാ​നാ​കി​ല്ല’; കെഎസ്ആർടിസി വിഷയത്തിൽ ആ​ന്‍റ​ണി രാ​ജു​വി​നെ പി​ന്തു​ണ​ച്ച് മു​ഖ്യ​മ​ന്ത്രി

തിരുവനന്തപുരം: സി​ഐ​ടി​യു അ​ട​ക്ക​മു​ള്ള സി​പി​എം അ​നു​കൂ​ല യൂ​ണി​യ​നു​ക​ൾ ഗ​താ​ഗ​ത മ​ന്ത്രി​ക്കെ​തി​രേ രം​ഗ​ത്തെ​ത്തി​യ​തി​നു പി​ന്നാ​ലെ മ​ന്ത്രി ആ​ന്‍റ​ണി രാ​ജു​വി​നെ പിന്തുണച്ച് മു​ഖ്യ​മ​ന്ത്രി പി​ണ​റാ​യി വി​ജ​യ​ൻ. ഗ​താ​ഗ​ത മ​ന്ത്രി ആ​ന്‍റ​ണി രാ​ജു​വി​ന്‍റേ​ത് തി​ക​ച്ചും ശ​രി​യാ​യ നി​ല​പാടാണെന്ന് മു​ഖ്യ​മ​ന്ത്രി പറഞ്ഞു.

ഏതെങ്കിലും പൊതുമേഖലാ സ്ഥാപനത്തിന്റെ ശമ്പളം എല്ലാക്കാലത്തും സർക്കാരിനു പൂർണമായി നൽകാനാകില്ല. സ്ഥാപനത്തിന്റെ കെടുകാര്യസ്ഥതയ്ക്കു നികുതിപ്പണം ചെലവാക്കാൻ കഴിയില്ല. പൊതു മേഖലാ സ്ഥാപനത്തെ ശക്തിപ്പെടുത്താം, എന്നാൽ കെടുകാര്യസ്ഥതയെ ശക്തിപ്പെടുത്താനാകില്ല.

കെഎസ്ആർടിസിയെ കൈവിടുന്ന നിലപാടല്ല സർക്കാരിന്റേത്. കൃത്യമായി കാര്യങ്ങൾ നടക്കുന്നതിനു കെഎസ്ആർടിസിയിൽ പരിഷ്കാരം കൊണ്ടുവരണം. സുശീൽ ഖന്നയുടെ പഠന റിപ്പോർട്ട് പൂർണമായി സ്ഥാപനത്തിൽ നടപ്പിലാക്കിയിട്ടില്ല. യാഥാർഥ്യം മനസ്സിലാക്കിയുള്ള ഇടപെടലാണ് എല്ലാഭാഗത്തുനിന്നും വേണ്ടത്. ഘടനാപരമായ മാറ്റം സ്ഥാപനത്തിൽ വേണം. ട്രേഡ് യൂണിയനുകൾ കെഎസ്ആർടിസിയുടെ അഭിവൃദ്ധി ആഗ്രഹിക്കുന്നവരാണെന്നും മുഖ്യമന്ത്രി പറഞ്ഞു.

സു​ശീ​ൽ​ഖ​ന്ന റി​പ്പോ​ർ​ട്ടി​ലെ വാ​യ്പ​ക​ൾ ഏ​കോ​പി​പ്പി​ക്കു​ന്ന​തു മാ​ത്ര​മാ​ണു ന​ട​പ്പാ​ക്കി​യ​ത്. അ​തു പോ​രാ. ഘ​ട​നാ​പ​ര​മാ​യി പ​രി​ഷ്കാ​ര​ങ്ങ​ൾ വ​ര​ണം. അ​തു ന​ട​പ്പാ​ക്കാ​ൻ നി​ർ​ദേ​ശം ന​ൽ​കി​യി​ട്ടു​ണ്ടെ​ന്നും മു​ഖ്യ​മ​ന്ത്രി പ​റ​ഞ്ഞു.