ദേ​ശീ​യ​പാ​ത​യോ​ര​ത്തെ ന​ട​പ്പാ​ത നി​ർ​മാ​ണം നീ​ട്ടി​ക്കൊ​ണ്ടു​പോ​കു​ന്ന​തി​ൽ പ്ര​തി​ഷേധം ; സ​മ​ര​പ​രി​പാ​ടി​ക​ൾ ശ​ക്ത​മാ​ക്കാ​ൻ ഒരുങ്ങി ന​ഗ​ര​സ​ഭ

ക​ൽപ​റ്റ: ന​ഗ​ര​ത്തി​ലൂ​ടെ​യു​ള്ള ദേ​ശീ​യ​പാ​ത​യോ​ര​ത്തെ ന​ട​പ്പാ​ത നി​ർ​മാ​ണം അ​നി​ശ്ചി​ത​മാ​യി നീ​ട്ടി​ക്കൊ​ണ്ടു​പോ​കു​ന്ന​തി​ൽ പ്ര​തി​ഷേ​ധി​ച്ചു​ള്ള സ​മ​ര​പ​രി​പാ​ടി​ക​ൾ ശ​ക്ത​മാ​ക്കാ​ൻ ന​ഗ​ര​സ​ഭ തീ​രു​മാ​നം. ക​ൽപ​റ്റ ന​ഗ​ര​സ​ഭ ചെ​യ​ർമാ​ന്റെ നേ​തൃ​ത്വ​ത്തി​ൽ കൗ​ൺസി​ല​ർമാ​ർ മേ​യ് 18ന്​ ​രാ​വി​ലെ 10 ന് ​കോ​ഴി​ക്കോ​ട് ദേ​ശീ​യ​പാ​ത സൂ​പ്ര​ണ്ടി​ങ്​ എ​ൻ​ജി​നീ​യ​റു​ടെ ഓ​ഫി​സി​ന് മു​ന്നി​ൽ ധ​ർ​ണ ന​ട​ത്തു​മെ​ന്ന്​ ചെ​യ​ർ​മാ​ൻ കേ​യം​തൊ​ടി മു​ജീ​ബ് വാ​ർ​ത്ത​സ​മ്മേ​ള​ന​ത്തി​ൽ അ​റി​യി​ച്ചു. 2018 ൽ ​ന​ട​പ്പാ​ത​യു​ടെ ടെ​ൻ​ഡ​ർ ന​ട​പ​ടി​ക​ൾ പൂ​ർത്തി​യാ​ക്കി​യി​രു​ന്നു. അ​ഞ്ച്​ ക​രാ​റു​കാ​രാ​ണ് നി​ർ​മാ​ണം ഏ​റ്റെ​ടു​ത്ത​ത്.

ര​ണ്ടു​പേ​ർ ഏ​റ്റെ​ടു​ത്ത പ്ര​വൃ​ത്തി​ക​ൾ സ​മ​യ​ബ​ന്ധി​ത​മാ​യി പൂ​ർത്തി​യാ​ക്കി. ര​ണ്ടു ക​രാ​റു​കാ​രു​ടെ നി​ർ​മാ​ണം ന​ട​ന്നു​കൊ​ണ്ടി​രി​ക്കു​ക​യാ​ണ്. ഒ​രു ക​രാ​റു​കാ​ര​ൻ ടെ​ൻ​ഡ​ർ ന​ട​പ​ടി​ക​ൾ പൂ​ർത്തി​യാ​ക്കി​യെ​ങ്കി​ലും നാ​ല്​ വ​ർഷ​മാ​യി​ട്ടും ന​ട​പ്പാ​ത നി​ർ​മാ​ണം ഇ​തു​വ​രെ പൂ​ർത്തീ​ക​രി​ച്ചി​ട്ടി​ല്ല. ക​രാ​റു​കാ​ര​നും ദേ​ശീ​യ​പാ​ത ഉ​ദ്യോ​ഗ​സ്ഥ​രും ത​മ്മി​ലു​ള്ള അ​വി​ഹി​ത ബ​ന്ധ​വും ഒ​ത്തു​ക​ളി​യു​മാ​ണ് നീ​ളാ​ൻ കാ​ര​ണ​മെ​ന്ന്​ ഇ​വ​ർ ആ​രോ​പി​ച്ചു.

ജി​ല്ല ആ​സ്ഥാ​ന​മാ​യ ക​ൽപ​റ്റ ന​ഗ​ര​ത്തി​ലൂ​ടെ​യു​ള്ള ദേ​ശീ​യ​പാ​ത​യോ​ര​ത്തെ ന​ട​പ്പാ​ത നി​ർ​മാ​ണം നീ​ട്ടി​ക്കൊ​ണ്ടു​പോ​യി ജ​ന​ങ്ങ​ളെ ബു​ദ്ധി​മു​ട്ടി​ക്കു​ന്ന​തി​ലും നി​ർ​മാ​ണ​ത്തി​ലെ അ​പാ​ക​ത​ക​ളും പോ​രാ​യ്മ​ക​ളും ചൂ​ണ്ടി​ക്കാ​ട്ടി​യും നി​ര​വ​ധി ത​വ​ണ വ​കു​പ്പ് മ​ന്ത്രി​ക്കും ദേ​ശീ​യ​പാ​ത ഉ​ന്ന​താ​ധി​കാ​രി​ക​ൾക്കും ന​ഗ​ര​സ​ഭ പ​രാ​തി ന​ൽകി​യി​രു​ന്നു. ക​രാ​റു​കാ​ര​നെ​തി​രെ നി​യ​മ​ന​ട​പ​ടി​ക​ൾ സ്വീ​ക​രി​ക്ക​ണ​മെ​ന്നും ആ​വ​ശ്യ​പ്പെ​ട്ടി​രു​ന്നു. ഇ​തു​വ​രെ പ്ര​ശ്‌​ന​ത്തി​ന് പ​രി​ഹാ​ര​മാ​യി​ല്ല.