പൊ​തു​സ്ഥ​ല​ത്ത് സ്ത്രീ​ക​ൾ മു​ഖം മ​റ​യ്ക്ക​ണം; പുതിയ നിർദ്ദേശവുമായി താലിബാൻ ഭരണകൂടം

കാ​ബു​ൾ: അ​ഫ്ഗാ​നി​സ്ഥാ​നി​ൽ പൊ​തു​സ്ഥ​ല​ങ്ങ​ളി​ൽ സ്ത്രീ​ക​ൾ മു​ഖം മ​റ​യ്ക്ക​ണ​മെ​ന്നും ബു​ർ​ഖ ധ​രി​ക്ക​ണ​മെ​ന്നും താ​ലി​ബാ​ൻ. മുഖം മറയ്ക്കുന്ന മത വേഷം  ധരിച്ച് മാത്രമേ സ്ത്രീകൾ പൊതുസ്ഥലങ്ങളിൽ ഇറങ്ങാവൂ എന്ന് താലിബാൻ പരമോന്നത നേതാവ് ഹിബത്തുല്ല അകുൻസാദ ഉത്തരവിട്ടു. 

സ്ത്രീ​ക​ൾ പൊ​തു​സ്ഥ​ല​ങ്ങ​ളി​ൽ മു​ഖം മ​റ​യ്ക്കാ​തി​രു​ന്നാ​ൽ ഭ​ർ​ത്താ​വി​നെ​തി​രെ​യോ പി​താ​വി​നെ​തി​രെ​യോ അ​ടു​ത്ത ബ​ന്ധു​വി​നെ​തി​രെ​യോ ന​ട​പ​ടി എ​ടു​ക്കും. 1996 മു​ത​ൽ 2001 വ​രെ താ​ലി​ബാ​ൻ അ​ധി​കാ​ര​ത്തി​ലി​രു​ന്ന​പ്പോ​ൾ സ്ത്രീ​ക​ൾ ഉ​പ​യോ​ഗി​ച്ചി​രു​ന്ന നീ​ല ബു​ർ​ഖ ത​ന്നെ​യാ​ണ് അ​ഭി​കാ​മ്യ​മെ​ന്നും താ​ലി​ബാ​ൻ വ്യ​ക്ത​മാ​ക്കി.

താ​ലി​ബാ​ൻ അ​ധി​കാ​ര​ത്തി​ലെ​ത്തി​യ​തോ​ടെ അ​ഫ്ഗാ​നി​ൽ പൊ​തു​വെ സ്ത്രീ​ക​ൾ മു​ഖം മ​റ​യ്ക്കാ​ൻ തു​ട​ങ്ങി​യെ​ങ്കി​ലും കാ​ബൂ​ൾ അ​ട​ക്ക​മു​ള്ള പ്ര​ധാ​ന പ​ട്ട​ണ​ങ്ങ​ളി​ൽ സ്ത്രീ​ക​ൾ മു​ഖം മ​റ​യ്ക്കാ​തി​രി​ക്കു​ന്ന​താ​ണ് പു​തി​യ ഉ​ത്ത​ര​വി​ന് കാ​ര​ണം.
 
ലക്ഷക്കണക്കിന് പെൺകുട്ടികളുടെ പഠനം താലിബാൻ അധികാരത്തിൽ വന്നതോടെ നിലച്ചിരുന്നു. ഇതിന് പിന്നാലെയാണ് സഞ്ചാര സ്വാതന്ത്ര്യം അടക്കം വിലക്കുന്ന പുതിയ ഉത്തരവ്. മുഖം മൂടാതെ പുറത്തിറങ്ങുന്ന സ്ത്രീകളുടെ രക്ഷിതാക്കൾ ശിക്ഷിക്കപ്പെടുമെന്നും ഉത്തരവിൽ പറയുന്നു.  താലിബാന്‍റെ പുതിയ നിയമങ്ങളോടെ ലോകത്തെ ഏറ്റവും സ്ത്രീവിരുദ്ധമായ നിയമങ്ങൾ നിലനിൽക്കുന്ന രാജ്യമായി അഫ്ഘാനിസ്ഥാൻ മാറിയിരിക്കുകയാണ്.