തിരുവനന്തപുരത്ത് വീട് കുത്തിതുറന്ന് മോഷണം നടത്തുന്ന കുപ്രസിദ്ധ മോഷ്ടാവ് പിടിയിൽ

തിരുവനന്തപുരം: തിരുവനന്തപുരത്ത് വീട് കുത്തിതുറന്ന് മോഷണം നടത്തുന്ന കുപ്രസിദ്ധ മോഷ്ടാവ് പൊലീസ് പിടിയിൽ. തിരുവനന്തപുരം അയിരൂർപാറ സ്വദേശി റഹീസ് ഖാൻ (29) നെയാണ് നേമം പൊലീസ് അറസ്റ്റ് ചെയ്തത്. 

മറ്റൊരു കേസുമായി ബന്ധപ്പെട്ട് നടന്ന അന്വേഷണത്തിലാണ് 50ൽ അധികം മോഷണ കേസിലെ പ്രതിയായ റഖീസ് ഖാൻ പിടിയിലാകുന്നത്.
 
കഴിഞ്ഞ ഫെബ്രുവരിയിൽ കല്ലിയൂരിലെ ഒരു വീട്ടിൽ കയറി മുപ്പത്തി അയ്യായിരം രൂപ വിലയുള്ള ഡയമണ്ട് മൂക്കുത്തിയും, ഇരുപത്തി അയ്യായിരം രൂപ വില വരുന്ന രണ്ട് സ്വർണ്ണ ലോക്കറ്റും മോഷണം പോയിരുന്നു. ഈ കേസിലെ അന്വേഷണമാണ് റഖീസ് ഖാനിലേക്ക് എത്തിയത്. കൗമാര പ്രായത്തിൽ തന്നെ മോഷണം തുടങ്ങിയ റഖീസ് ഖാന് നേമം വട്ടിയൂർക്കാവ്, വലിയതുറ, പൂന്തുറ, പേരൂർക്കട, പൂജപ്പുര, വഞ്ചിയൂർ, കന്റോൺമെന്റ്, കോവളം, ഫോർട്ട്, മലയിൻകീഴ് തുടങ്ങിയ സ്റ്റേഷനുകളിലായി ഭവനഭേദനം, കവര്‍ച്ച ബൈക്ക്മോഷണം എന്നിവയ്ക്ക് കേസുകള്‍ നിലവിലുണ്ട്.