അന്വേഷണം വാർത്തകൾ ലഭിക്കാന്‍ വാട്സാപ്പ് ഗ്രൂപ്പില്‍ ചേരൂ.
തിരുവനന്തപുരം: തലസ്ഥാനത്ത് മാരക ലഹരി ഉൽപ്പന്നങ്ങളുമായി യുവാവ് പിടിയിൽ. വിളപ്പിൽശാല നിരപ്പയിൽ വീട്ടിൽ അഭിനന്ദിനെയാണ് (30) പേട്ട പൊലീസ് അറസ്റ്റ് ചെയ്തത്.
ഇയാളിൽ നിന്ന് മാരക ലഹരി വസ്തുക്കളായ നൈട്രോ സെപാം ഗുളികകളും കഞ്ചാവും പ്രതിയിൽ നിന്ന് പിടിച്ചെടുത്തു. സംശയാസ്പദമായ സാഹചര്യത്തിൽ തിരുവനന്തപുരം ചാക്കയ്ക്ക് സമീപത്തുനിന്നാണ് യുവാവിനെ പൊലീസ് പിടികൂടിയത്.
തിരുവനന്തപുരം നഗരത്തിലെ വിവിധ പൊലീസ് സ്റ്റേഷനുകളിലായി കൊലപാതകം, ഭവനഭേദനം, മയക്കുമരുന്ന് കച്ചവടം ഉൾപ്പെടെ പത്തോളം കേസിലെ പ്രതിയാണിയാൾ. ഡെപ്യൂട്ടി കമ്മീഷണർ അങ്കിത് അശോകന് ലഭിച്ച രഹസ്യവിവരത്തിന്റെ അടിസ്ഥാനത്തിലാണ് ഇയാളെ അറസ്റ്റ് ചെയ്തത്.
പ്രതിയെ കോടതിയിൽ ഹാജരാക്കിയ ശേഷം റിമാൻഡ് ചെയ്തു.
