അന്വേഷണം വാർത്തകൾ ലഭിക്കാന് വാട്സാപ്പ് ചാനലില് ചേരൂ.
പാലക്കാട്: പാലക്കാട്ടെ കൊലപാതകങ്ങളുടെ പശ്ചാത്തലത്തിൽ ഇന്ന് ജില്ലയിൽ വിളിച്ചു ചേർക്കുന്ന സര്വകക്ഷി യോഗത്തില് സ്പീക്കര് എംബി രാജേഷും പങ്കെടുക്കും. ഒരു ജനപ്രതിനിധിയെന്ന നിലയില് യോഗത്തില് പങ്കെടുക്കേണ്ടത് ചുമതലയാണ്. ആ ചുമതല നിറവേറ്റുമെന്നും സ്പീക്കര് പറഞ്ഞു.
‘ഗുരുതരമായ സാഹചര്യമാണ് നിലനില്ക്കുന്നത്. സമാധാനം പുനസ്ഥാപിക്കാനുള്ള ശ്രമങ്ങളുടെ ഭാഗമായി സര്വകക്ഷി യോഗത്തില് പങ്കെടുക്കേണ്ടതുണ്ട്. സര്ക്കാര് വിളിക്കുന്ന യോഗങ്ങളില് സാധാരണ സ്പീക്കറുടെ പ്രതിനിധിയാണ് പങ്കെടുക്കുന്നത്. ഇവിടെ പ്രോട്ടോക്കോള് നോക്കി പങ്കെടുക്കേണ്ട വിഷയമല്ല. ’. എം ബി രാജേഷ് വ്യക്തമാക്കി.
വൈകിട്ട് 3 30് കളക്ടറേറ്റ് കോണ്ഫറന്സ് ഹാളിലാണ് യോഗം നടക്കുക. സര്വകക്ഷി യോഗത്തിലൂടെ പ്രശ്നങ്ങള് പരിഹരിക്കാനാകുമെന്നാണ് പ്രതീക്ഷിക്കുന്നതെന്നും എല്ലാവരുടെയും സഹകരണമുണ്ടെങ്കില് അക്രമങ്ങളെ ഒറ്റപ്പെടുത്താന് കഴിയുമെന്നും മന്ത്രി കൃഷ്ണന്കുട്ടി പറഞ്ഞു.
