അന്വേഷണം വാർത്തകൾ ലഭിക്കാന് വാട്സാപ്പ് ചാനലില് ചേരൂ.
സിപിഎം സംസ്ഥാന നേതൃയോഗങ്ങള് അടുത്തയാഴ്ച ചേരുമെന്ന് റിപ്പോർട്ടുകൾ . തിങ്കള്, ചൊവ്വ ദിവസങ്ങളിലായി സംസ്ഥാന സെക്രട്ടേറിയറ്റ്, സംസ്ഥാന സമിതി യോഗങ്ങള് ചേരാനാണ് തീരുമാനം എടുത്തിരിക്കുന്നത്.. എ വിജയരാഘവന് പൊളിറ്റ് ബ്യൂറോയിലേക്ക് തെരഞ്ഞെടുക്കപ്പെട്ട സാഹചര്യത്തില് ഇടതുമുന്നണി കണ്വീനര് സ്ഥാനം ഒഴിയും. വിജയരാഘവന് ഡല്ഹി കേന്ദ്രീകരിച്ച് പ്രവര്ത്തിക്കേണ്ടതിനാലാണ് സ്ഥാനം ഒഴിയുന്നതെന്നും റിപ്പോർട്ടുകൾ ഉണ്ട്.
പകരം ഇ പി ജയരാജന്, എ കെ ബാലന് എന്നിവരുടെ പേരുകളാണ് ഇടതുമുന്നണി കണ്വീനര് സ്ഥാനത്തേക്ക് ഉയര്ന്നു കേള്ക്കുന്നത്. മുതിര്ന്ന സിപിഎം കേന്ദ്രക്കമ്മിറ്റി അംഗങ്ങളാണ് രണ്ടുപേരും. നിലവില് മുഖ്യമന്ത്രിയുടെ പൊളിറ്റിക്കല് സെക്രട്ടറിയായ പുത്തലത്ത് ദിനേശനെ സിപിഎം പ്രസിദ്ധീകരണങ്ങളുടെ ചുമതലയിലേക്ക് മാറ്റിയേക്കും. ദേശാഭിമാനി പത്രാധിപരായാകാനും സാധ്യത ഉണ്ട്. നിലവില് പാര്ട്ടി സംസ്ഥാന സെക്രട്ടറിയായ കോടിയേരി ബാലകൃഷ്ണനാണ് ദേശാഭിമാനി പത്രിധിപരുടെ ചുമതലയും നിര്വഹിക്കുന്നത്.
