അന്വേഷണം വാർത്തകൾ ലഭിക്കാന് വാട്സാപ്പ് ചാനലില് ചേരൂ.
തിരുവനന്തപുരം: ആദിവാസി മേഖലയിലെ പിന്നോക്ക വിഭാഗങ്ങളിൽപ്പെട്ട വിദ്യാർത്ഥികൾക്കായുള്ള വിശ്വശാന്തി ഫൗണ്ടേഷന്റെ ഏറ്റവും പുതിയ വിദ്യാഭ്യാസ പദ്ധതി ‘വിന്റേജി’ന് അട്ടപ്പാടിയിൽ തുടക്കം കുറിക്കുകയും ചെയ്തു. പദ്ധതിയുടെ ഉദ്ഘാടനം വിശ്വശാന്തി ഫൗണ്ടേഷൻ ഡയറക്ടർ ഡോക്ടർ വി നാരായണനും EY GDS പ്രതിനിധി റുമി മല്ലിക്കും ചേർന്ന് നിർവഹിച്ചു.
പദ്ധതി നടപ്പിലാക്കുന്നതിന് മുന്നോടിയായി നൂറോളം കുട്ടികളെ പങ്കെടുപ്പിച്ച് വിവിധ ക്യാമ്പുകൾ നടത്തിയിരുന്നു. ഇതിൽ നിന്നും തിരഞ്ഞെടുത്ത ഇരുപത് വിദ്യാർത്ഥികൾക്ക് അവരുടെ കഴിവുകളെയും പഠന താല്പര്യങ്ങളേയും പ്രോത്സാഹിപ്പിച്ച് അടുത്ത പതിനഞ്ച് വർഷത്തേയ്ക്കുള്ള വിദ്യാഭാസ സഹായം നൽകി ഇഷ്ടമുള്ള മേഖലകളിൽ മുൻനിരയിലേക്ക് എത്തിക്കാനുള്ള പദ്ധതിയാണ് വിന്റേജ്. വിദ്യാർത്ഥികൾക്കൊപ്പം രക്ഷിതാക്കൾക്ക് വേണ്ടിയുള്ള ഓറിയന്റേഷൻ ക്ലാസും പദ്ധതിയുടെ ഭാഗമായി അട്ടപ്പാടിയിൽ നടക്കുകയും ചെയ്തു.
