അന്വേഷണം വാർത്തകൾ ലഭിക്കാന് വാട്സാപ്പ് ചാനലില് ചേരൂ.
തിരുവനന്തപുരം: പാലക്കാട് എലപ്പുളി പാറയിൽ സുബൈറിനെ പട്ടാപ്പകല് വെട്ടി കൊലപ്പെടുത്തിയ സംഭവം സംസ്ഥാനത്തെ വീണ്ടും കലാപഭൂമിയാക്കാനുള്ള ആര്എസ്എസ് നീക്കത്തിന്റെ ഭാഗമാണെന്ന് എസ്ഡിപിഐ. ആഘോഷ ദിനങ്ങളെല്ലാം അക്രമത്തിനും രക്തച്ചൊരിച്ചിലിനും വേണ്ടി ആര്എസ്എസ് മാറ്റിവെച്ചിരിക്കുന്നു എന്നാണ് ഈ കൊലപാതകം തെളിയിക്കുന്നത് എന്നും എസ്ഡിപിഐ വ്യക്തമാക്കുന്നു.
രാമനവമി, വിഷു തുടങ്ങിയ വിശേഷ ദിവസങ്ങള് അന്യമതസ്ഥരുടെ രക്തമൊഴുക്കി ആഘോഷിക്കുന്ന ആര്എസ്എസ് നീക്കം രാജ്യത്തിന്റെ സമാധാനത്തിനു ഭീഷണിയാണ്. റമദാന് വ്രതമെടുത്ത് ജുമുഅ നമസ്കാരത്തിനു ശേഷം ബാപ്പയോടൊപ്പം ബൈക്കില് പോകുമ്പോഴാണ് ആര്എസ്എസ് സംഘം ആസൂത്രിതമായി സുബൈറിനെ കൊലപ്പെടുത്തിയിരിക്കുന്നത്.
കൊലപാതകത്തില് ഉന്നത തല ഗൂഢാലോചനയാണ് വ്യക്തമാകുന്നത്. കാറിടിപ്പിച്ച ശേഷം വെട്ടിവീഴ്ത്തുന്നതിന് പ്രത്യേക പരിശീലനം നല്കി സംസ്ഥാനത്ത് ക്രിമിനല് സംഘത്തെ ആര്എസ്എസ് തയ്യാറാക്കി നിര്ത്തിയിരിക്കുന്നു എന്ന അപകട സൂചനയാണ് നല്കുന്നതെന്നും വ്യക്തമാക്കി.
