അന്വേഷണം വാർത്തകൾ ലഭിക്കാന് വാട്സാപ്പ് ചാനലില് ചേരൂ.
തിരുവനന്തപുരം: തിരുവല്ലത്ത് കര്ഷകൻ ആത്മഹത്യ ചെയ്ത സംഭവം വേദനിപ്പിക്കുന്നതെന്നും ആത്മഹത്യയുടെ കാരണം അന്വേഷിക്കാന് ആവശ്യപ്പെട്ടെന്നും മന്ത്രി പി പ്രസാദ്. ആര്ക്കും ആത്മഹത്യ ചെയ്യേണ്ട സാഹചര്യം സംസ്ഥാനത്തില്ലെന്നും അദ്ദേഹം കൂട്ടിചേർത്തു.
കൃഷി നശിച്ച കര്ഷകര്ക്ക് കഴിയുന്നത്ര സഹായം നല്കും. കാര്ഷിക മേഖലയില് സംരക്ഷണം സര്ക്കാര് നല്കുമെന്നും മന്ത്രി ഉറപ്പുനല്കി. കൃഷിനാശം ഉണ്ടായാല് ഉടന് നഷ്ടപരിഹാരം നല്കാന് നടപടി സ്വീകരിക്കും. ഇതിനായി ഇന്ഷൂറന്സിന്റെ വ്യവസ്ഥ പുതുക്കുമെന്നും മന്ത്രി പറഞ്ഞു.
കടബാധ്യത മൂലം നിരണം സ്വദേശി രാജീവിനെയാണ് (49) ആത്മഹത്യ ചെയ്ത നിലയില് കണ്ടെത്തിയത്. കൃഷി ആവശ്യത്തിന് രാജീവ് ബാങ്കിൽ നിന്നും വായ്പ എടുത്തിരുന്നു. കൃഷി നഷ്ടമായതിനെ തുടർന്ന് കടബാധ്യത ഉണ്ടായിരുന്നു. ഇന്ന് രാവിലെ നെൽപ്പാടത്തിന്റെ കരയിലാണ് രാജീവിനെ തൂങ്ങി മരിച്ച നിലയിൽ കണ്ടെത്തിയത്.
