കെ-റെയിൽ: സാ​മൂ​ഹി​കാ​ഘാ​ത പ​ഠ​ന​ത്തി​ന് കേ​ര​ളം സമീപിച്ചിട്ടില്ലെന്ന് കേന്ദ്രസർക്കാർ

കൊ​ച്ചി: കെ-​റെ​യി​ല്‍ പ​ദ്ധ​തി​യു​ടെ സാ​മൂ​ഹി​കാ​ഘാ​ത പ​ഠ​ന​ത്തി​ന് കേ​ര​ളം സ​മീ​പി​ച്ചി​രു​ന്നി​ല്ലെ​ന്ന് കേ​ന്ദ്ര​സ​ർ​ക്കാ​ർ. ഹൈ​ക്കോ​ട​തി​യി​ലാ​ണ് കേ​ന്ദ്രം ഇ​ക്കാ​ര്യം വ്യ​ക്ത​മാ​ക്കി​യ​ത്. റെ​യി​ൽ​വേ ഭൂ​മി​യി​ൽ ക​ല്ലി​ട​രു​തെ​ന്ന് രേ​ഖാ​മൂ​ലം നി​ർ​ദേ​ശി​ച്ചി​രു​ന്നു​വെ​ന്നും കേ​ന്ദ്രം കോ​ട​തി​യെ അ​റി​യി​ച്ചു.

സി​ൽ​വ​ർ​ലൈ​ൻ പ​ദ്ധ​തി​ക്ക് സാ​ന്പ​ത്തി​ക അ​നു​മ​തി ന​ൽ​കി​യി​ട്ടി​ല്ലെ​ന്നും ഹൈ​ക്കോ​ട​തി​യെ കേ​ന്ദ്ര​സ​ർ​ക്കാ​ർ അ​റി​യി​ച്ചു. കെ റെയില്‍ മാഹിയിലൂടെ കടന്നുപോകുന്നുണ്ടോയെന്ന് ഇപ്പോള്‍ പറയാനാകില്ലെന്നും അലൈന്‍മെന്റ് അന്തിമമായിട്ടില്ലെന്നും കേന്ദ്രം പറയുന്നു. സി​ൽ​വ​ർ​ലൈ​ൻ പ​ദ്ധ​തി​യു​മാ​യി ബ​ന്ധ​പ്പെ​ട്ട് ഒ​രു കൂ​ട്ടം ഹ​ർ​ജി​ക​ൾ പ​രി​ഗ​ണി​ക്ക​വേ സാ​മൂ​ഹി​കാ​ഘാ​ത പ​ഠ​ന​ത്തി​നു​ള്ള സ​ര്‍​വേ​യ​ട​ക്കം നാ​ലു​കാ​ര്യ​ങ്ങ​ളി​ല്‍ കേ​ന്ദ്ര​സ​ര്‍​ക്കാ​ര്‍ വ്യ​ക്ത​ത വ​രു​ത്ത​ണ​മെ​ന്ന് ഹൈ​ക്കോ​ട​തി നി​ര്‍​ദേ​ശം ന​ല്‍​കി​യി​രു​ന്നു.
 
വിഷയത്തില്‍ ഇന്നലെ നാലു ചോദ്യങ്ങളാണ് ഹൈക്കോടതി കേന്ദ്രസര്‍ക്കാരിനോട് ചോദിച്ചിരുന്നത്. സാ​മൂ​ഹി​കാ​ഘാ​ത പ​ഠ​ന​ത്തി​നു​ള്ള സ​ര്‍​വേ​ക്ക് ക​ല്ലി​ടാ​നാ​വു​മോ? സ​ര്‍​വേ ന​ട​ത്താ​നെ​ത്തു​ന്ന​തി​നു മു​മ്പ് നോ​ട്ടീ​സ് ന​ല്‍​കേ​ണ്ട​തു​ണ്ടോ? കേ​ന്ദ്ര​സ​ര്‍​ക്കാ​രാ​ണോ സം​സ്ഥാ​ന സ​ര്‍​ക്കാ​രാ​ണോ സ​ര്‍​വേ ന​ട​ത്തേ​ണ്ട​ത്? നി​ക്ഷേ​പ​പൂ​ര്‍​വ പ്ര​വൃ​ത്തി​ക​ള്‍​ക്ക് 1,000 കോ​ടി​യി​ലേ​റെ ചെ​ല​വാ​കു​ന്ന​തി​നാ​ല്‍ കേ​ന്ദ്ര​മ​ന്ത്രി​സ​ഭ​യു​ടെ അ​നു​മ​തി വേ​ണ്ടേ? എ​ന്നീ കാ​ര്യ​ങ്ങ​ളി​ല്‍ വ്യ​ക്ത​ത വ​രു​ത്ത​ണ​മെ​ന്നാ​ണ് കോ​ട​തി ആ​വ​ശ്യ​പ്പെ​ട്ടി​രി​ക്കു​ന്ന​ത്. തു​ട​ർ​ന്നാ​ണ് കേ​ന്ദ്രം വി​ശ​ദീ​ക​ര​ണം ന​ൽ​കി​യ​ത്.
 

ഒന്ന്- സാമൂഹികാഘാത പഠനത്തിനു വേണ്ടി റെയില്‍വേ ഡിവിഷനെ ഇതുവരെ സമീപിച്ചിട്ടില്ല.

രണ്ട്- മാഹിയിലൂടെ സില്‍വര്‍ ലൈന്‍ കടന്നുപോകുന്നുണ്ടോ എന്ന കാര്യം ഈ ഘട്ടത്തില്‍ പറയാനാകില്ല. കാരണം സില്‍വര്‍ ലൈന്റെ അലൈന്‍മെന്റ് ഇതുവരെ അന്തിമമായി തീര്‍പ്പാക്കിയിട്ടില്ല. അത് അന്തിമമാകുമ്പോള്‍ മാത്രമേ ഇക്കാര്യം വ്യക്തമാകൂ. നിലവില്‍ റെയില്‍വേ മന്ത്രാലയത്തിന് നല്‍കിയിരിക്കുന്ന ഡി.പി.ആറിലൂടെ സില്‍വര്‍ ലൈന്‍ മാഹിയിലൂടെ കടന്നുപോകുന്നുണ്ടോ എന്ന് പരിശോധിച്ചിട്ടില്ല. ഇത് സംബന്ധിച്ച് കാര്യം അറിയിക്കുന്നതിന് കൂടുതല്‍ സമയം വേണം.

മൂന്ന്- മഞ്ഞ അതിരടയാളക്കല്ലുകള്‍ റെയില്‍വേ ഭൂമിയില്‍ സ്ഥാപിക്കരുതെന്ന് രേഖാമൂലം ആവശ്യപ്പെട്ടിട്ടുണ്ട്.

റെയില്‍വേ ബോര്‍ഡില്‍നിന്ന് ഇതു സംബന്ധിച്ച് ഇതുവരെ വിശദീകരണം ലഭിച്ചിട്ടില്ല. അത് ലഭിക്കുന്ന മുറയ്ക്ക് ഹൈക്കോടതിയെ അറിയിക്കാമെന്നും കേന്ദ്രം വ്യക്തമാക്കിയിട്ടുണ്ട്. ഈ പദ്ധതിക്ക് സാമ്പത്തിക അനുമതി ഇതുവരെ നല്‍കാത്തതുകൊണ്ടുതന്നെ കൂടുതല്‍ വിശദാംശങ്ങള്‍ കേന്ദ്രസര്‍ക്കാരിന്റെ പക്കലേക്ക് വന്നിട്ടില്ലെന്നും കേന്ദ്രം കോടതിയില്‍ വ്യക്തമാക്കി.