അന്വേഷണം വാർത്തകൾ ലഭിക്കാന് വാട്സാപ്പ് ചാനലില് ചേരൂ.
ജയ്പുര്: രാജസ്ഥാൻ റോയൽസ് ക്യാപ്റ്റനും മലയാളി താരവുമായ സഞ്ജു സാംസണെ അപമാനിക്കുന്ന തരത്തിലുള്ള ചിത്രം ട്വീറ്റ് ചെയ്ത സോഷ്യല് മീഡിയ ടീമിനെ മാനേജ്മെന്റ് പുറത്താക്കി.
സഞ്ജുവിന്റെ മോര്ഫ് ചെയ്ത ചിത്രമാണ് രാജസ്ഥാന് റോയല്സ് പ്രചരിപ്പിച്ചത്. ടീമിന്റെ ബസിലിരിക്കുന്ന സഞ്ജുവിനെ, തലപ്പാവും കണ്ണടയുമൊക്കെയായി കളിയാക്കുന്ന തരത്തിലായിരുന്നു ചിത്രം. സഞ്ജു പരാതി ഉന്നയിച്ചതോടെ ചിത്രം നീക്കം ചെയ്യുകയുമുണ്ടായി.
Rajasthan Royals deleted the tweet after Sanju’s response.
Sanju has also unfollowed RR on Twitter. pic.twitter.com/M7SPPLvucR
— Johns. (@CricCrazyJohns) March 25, 2022
സുഹൃത്തുക്കളാണ് ഇങ്ങനെയൊക്കെ ചെയ്യുന്നതെങ്കില് കുഴപ്പമില്ല, പക്ഷേ ഇവിടെ ടീം പ്രൊഫഷണലായിരിക്കണം എന്ന് വിമര്ശിച്ചുകൊണ്ടാണ് ട്വീറ്റ് സഞ്ജു ഷെയര് ചെയ്തത്.
Its ok for friends to do all this but teams should be professional..@rajasthanroyals https://t.co/X2iPXl7oQu
— Sanju Samson (@IamSanjuSamson) March 25, 2022
തുടര്ന്ന് രാജസ്ഥാന് റോയല്സിനെ സഞ്ജു അണ്ഫോളോ ചെയതെന്നുമാണ് റിപ്പോര്ട്ട്. ടീം ട്വീറ്റ് ഡിലീറ്റ് ചെയ്തെങ്കിലും സഞ്ജു നടപടിയുമായി മുന്നോട്ടുപോകുകയായിരുന്നു.
“ഇന്നത്തെ സംഭവവികാസങ്ങളുടെ പേരില് ഞങ്ങളുടെ സമീപനത്തിലും സോഷ്യല് മീഡിയയിലെ ടീമിലും മാറ്റങ്ങള് വരുത്തിയിരിക്കുകയാണ്. ആദ്യ മല്സരത്തിനു മുന്നോടിയായി ടീമിനുള്ളില് എല്ലാം മികച്ച രീതിയില് തന്നെയാണ്. സണ്റൈസേഴ്സ് ഹൈദരാബാദുമായുള്ള ആദ്യ മല്സരത്തിനു സംഘം തയ്യാറെടുക്കുകയാണ്. എന്നാല് സോഷ്യല് മീഡിയ മാനേജ്മെന്റിനെ മാറ്റി പുതിയ ടീമിനെ ഉടന് നിയമിക്കും. ഐപിഎല് സീസണായതിനാല് തന്നെ സ്ഥിരമായി അപ്ഡേഷനുകള് വേണമെന്ന് ആരാധകര് ആഗ്രഹിക്കും. താല്ക്കാലികമായി ഇതിനൊരു സംവിധാനം ഉടനെയൊരുക്കും.”- രാജസ്ഥാന് റോയല്സ് വിശദീകരണക്കുറിപ്പില് വ്യക്തമാക്കി.
തങ്ങളുടെ പുതിയ ക്യാപ്റ്റനായി ഇന്ത്യന് ലെഗ് സ്പിന്നര് യുസ്വേന്ദ്ര ചഹലിനെ നിയമിച്ചുവെന്ന രാജസ്ഥാന് റോയല്സിന്റെ ‘തമാശ ട്വീറ്റ്’ കണ്ട ആരാധകര് അമ്പരന്നിട്ട് കുറച്ച് ദിവസങ്ങള് മാത്രമേ ആയിരുന്നുള്ളൂ… അതിനിടെയാണ് വീണ്ടും രാജസ്ഥാന്റെ ട്വിറ്റര് ഹാന്ഡില് വീണ്ടും വാര്ത്തകളില് ഇടം പിടിക്കുന്നത്.
യുസ്വേന്ദ്ര ചഹല് തന്നെയായിരുന്നു തന്നെ ക്യാപ്റ്റനായി നിയമിച്ചു എന്ന് രാജസ്ഥാന്റെ ട്വിറ്റര് അക്കൗണ്ടിലൂടെ പോസ്റ്റ് ചെയ്തത്. രാജസ്ഥാന്റെ ട്വിറ്റര് ഹാന്ഡില് കൈകാര്യം ചെയ്യുന്നതിനുള്ള ചുമതല ടീം മാനേജ്മെന്റ് നല്കിയതോടെയാണ് തമാശയൊപ്പിക്കാന് ചഹല് രാജസ്ഥാന് ക്യാപ്റ്റനായി സ്വയം അവരോധിച്ചത്.
