കെ റെയിലിനെതിരെ വികസന വിരുദ്ധ ‘വിദ്രോഹ സഖ്യം’: മുഖ്യമന്ത്രി

ന്യൂ​ഡ​ൽ​ഹി: സി​ൽ​വ​ർ ലൈ​ൻ പ​ദ്ധ​തി​ക്കെ​തി​രെ സം​സ്ഥാ​ന​ത്ത് വികസന വിരുദ്ധ ‘വിദ്രോഹസ​ഖ്യം’ വ്യാ​ജ​പ്ര​ച​ര​ണം ന​ട​ത്തു​ക​യാ​ണെ​ന്ന് മു​ഖ്യ​മ​ന്ത്രി പി​ണ​റാ​യി വി​ജ​യ​ൻ. ഒ​രു​വി​ക​സ​ന​വും നാ​ട്ടി​ൽ ന​ട​ക്കാ​ൻ പാ​ടി​ല്ലെ​ന്ന ചി​ന്ത​യാ​ണ് പ്ര​തി​പ​ക്ഷ​ത്തെ ന​യി​ക്കു​ന്ന​തെ​ന്നും മു​ഖ്യ​മ​ന്ത്രി പ​റ​ഞ്ഞു.

അ​വ്യ​ക്ത​ത​യും ആ​ശ​യ​ക്കു​ഴ​പ്പ​വും സൃ​ഷ്ടി​ക്കാ​നു​ള്ള ശ്ര​മം ജ​ന​ങ്ങ​ൾ കൃ​ത്യ​മാ​യി തി​രി​ച്ച​റി​യു​ന്നു​ണ്ട്. വി​ക​സ​ന​വി​രു​ദ്ധ വി​ദ്രോ​ഹ​സ​ഖ്യ​ത്തെ തു​റ​ന്നു​കാ​ട്ടും. തു​ട​ര്‍​ഭ​ര​ണം ല​ഭി​ക്കാ​നി​ട​യാ​യ സാ​ഹ​ച​ര്യം ആ​വ​ര്‍​ത്തി​ക്കാ​തി​രി​ക്കാ​നാ​ണ് പ്ര​തി​പ​ക്ഷ​ശ്ര​മം.

മ​ന​പ്പൂ​ർ​വം വി​വാ​ദം ഉ​ണ്ടാ​ക്കു​ന്ന​വ​ർ​ക്ക് അ​റി​യാ​ത്ത കാ​ര്യ​ങ്ങ​ൾ ജ​ന​ങ്ങ​ൾ​ക്ക് അ​റി​യാം. ആ​സൂ​ത്രി​ത​മാ​യ വ്യാ​ജ​പ്ര​ച​ര​ണ​ത്തി​ന് ഏ​താ​നും മാ​ധ്യ​മ​ങ്ങ​ളും കൂ​ട്ടു​നി​ൽ​ക്കു​ക​യാ​ണ്. വി​ക​സ​ന പ​ദ്ധ​തി​ക​ൾ​ക്കെ​തി​രെ ക​ഴി​ഞ്ഞ​കാ​ല​ത്ത് ഉ​യ​ർ​ന്നു​വ​ന്ന പ്ര​തി​ഷേ​ധ​ങ്ങ​ൾ നാ​ടി​ന് വ​ലി​യ ബാ​ധ്യ​ത​യാ​ണ് ഉ​ണ്ടാ​ക്കി​യ​ത്. ഇ​ത് കേ​ര​ള​ത്തി​ന്‍റെ ദു​ര​നു​ഭ​വം ആ​ണെ​ന്നും ഇ​പ്പോ​ൾ ഉ​യ​ർ​ന്നു​വ​രു​ന്ന പ്ര​തി​ഷേ​ധം നാ​ടി​ന്‍റെ പ്ര​തി​ഷേ​ധ​മ​ല്ലെ​ന്നും മു​ഖ്യ​മ​ന്ത്രി കൂ​ട്ടി​ച്ചേ​ർ​ത്തു.

 
ഇപ്പോള്‍ നടക്കുന്നത് ഭൂമി ഏറ്റെടുക്കാനുള്ള സര്‍വേ അല്ലെന്നും കല്ലു പിഴുതാല്‍ പദ്ധതി അവസാനിക്കില്ലെന്നും മുഖ്യമന്ത്രി വ്യക്തമാക്കി. ഇപ്പോഴത്തെ സര്‍വേ കൊണ്ട് ആര്‍ക്കും ഒരു നഷ്ടവും സംഭവിക്കില്ല. ആരുടെയെല്ലാം ഭൂമി ഏറ്റെടുക്കേണ്ടിവരുമെന്ന് കണ്ടെത്താനാണ് കല്ലിടുന്നത്. സര്‍വേ പൂര്‍ത്തിയായ ശേഷം ഭൂമിയും കെട്ടിടവും നഷ്ടപ്പെടുന്നവരുമായി ചര്‍ച്ചനടത്തും. കല്ലിടല്‍ പൂര്‍ത്തിയായ ശേഷമാണ് ഭൂമി ഏറ്റെടുക്കാനുള്ള സര്‍വേ നടക്കുക. ഭൂമിക്കും സ്വത്തിനും അധികവില നല്‍കിയാണ് ഏറ്റെടുക്കുക. സാമൂഹിക ആഘാതപഠനം പൂര്‍ത്തിയായ ശേഷമേ ഏറ്റെടുക്കല്‍ പദ്ധതികളിലേക്ക് കടക്കൂ.

ദേശീയ റെയില്‍ പദ്ധതിയായ പിഎം ഗതിശക്തി പദ്ധതിയുടെ ഭാഗമായി സില്‍വര്‍ ലൈനിനെ കാണണം. ഇക്കാര്യത്തില്‍ ഇടപെടല്‍ വേണമെന്ന് പ്രധാനമന്ത്രിയോട് അഭ്യര്‍ഥിച്ചിട്ടുണ്ട്. റെയില്‍വേ പദ്ധതി ആയതിനാല്‍ സില്‍വര്‍ ലൈനിന് കേന്ദ്ര സര്‍ക്കാരിന്റെ പരിസ്ഥിതി അനുമതി ആവശ്യമില്ല. എങ്കിലും വിശദമായ പഠനം നടത്തും. കേന്ദ്ര സര്‍ക്കാര്‍ ആവശ്യപ്പെട്ടപ്രകാരം ഡിപിആറിലെ അവ്യക്തത നീക്കി വിശദീകരണം നല്‍കിയിട്ടുണ്ട്, മുഖ്യമന്ത്രി പറഞ്ഞു.

നാടിന് ഏറ്റവും ആവശ്യമായ വികസന പ്രവർത്തനം അട്ടിമറിക്കാൻ പ്രതിപക്ഷം ശ്രമിക്കുന്നു. ആളുകളെ തെറ്റിദ്ധരിപ്പിക്കുന്നു. ഇതിനായി വിചിത്ര സഖ്യം കേരളത്തിൽ രൂപം കൊണ്ടു. ആസൂത്രിതമായ വ്യാജപ്രചാരണം നടക്കുന്നു.

അതിന് ഏതാനും മാധ്യമങ്ങളും കൂട്ടുനിൽക്കുന്നു. സമരത്തിന് അതിവൈകാരികതയും അസാധാരണമായ പ്രാധാന്യവും നൽകി ജനങ്ങളെയാകെ തെറ്റിദ്ധരിപ്പിക്കുകയാണെന്നും അദ്ദേഹം വിമർശിച്ചു. എല്ലാ കാലത്തും ഇത്തരം ആക്രമണങ്ങളുണ്ടായിട്ടുണ്ട്. വികസനത്തിന് തുരങ്കം വയ്ക്കുന്നവർക്ക് മാധ്യമങ്ങൾ കൂട്ടുനിൽക്കരുതെന്നും അദ്ദേഹം ആവശ്യപ്പെട്ടു.
 
സില്‍വർ ലൈന് 2026-ഓടെ ഒരു ലക്ഷത്തിലധികം യാത്രക്കാരുണ്ടാകും. വരുമാനം ടിക്കറ്റിലൂടെ ലഭിക്കും. പദ്ധതിയുടെ ഭാഗമായി 9394 കെട്ടിടങ്ങള്‍ ഏറ്റെടുക്കും. റെയില്‍വേ ഭൂമി വേണ്ടിവരുമോ എന്നതും പരിശോധിക്കും. വിശദമായ പരിസ്ഥിതി ആഘാത പഠനം ഒരു വര്‍ഷത്തിനകം പൂര്‍ത്തിയാക്കുമെന്നും മുഖ്യമന്ത്രി കൂട്ടിച്ചേര്‍ത്തു.