അന്വേഷണം വാർത്തകൾ ലഭിക്കാന്‍ വാട്സാപ്പ് ഗ്രൂപ്പില്‍ ചേരൂ.
ഛത്തീസ്ഗഡ്: റോഡ് കണക്റ്റിവിറ്റിയുടെ അഭാവം ഛത്തീസ്ഗഡിലെ മാവോയിസ്റ്റ് ആധിപത്യ മേഖലകളിലേക്ക് ആഴത്തിൽ നീങ്ങുന്ന സുരക്ഷാ സേനയ്ക്ക് എല്ലാ വർഷവും പുതിയ ക്യാമ്പുകൾ സ്ഥാപിക്കുന്നതിന് ഗുരുതരമായ വെല്ലുവിളിയായി തുടരുന്നുവെന്ന് സിആർപിഎഫ് ഡിജി കുൽദീപ് സിംഗ് പറഞ്ഞു.
സംസ്ഥാനത്തെ കാടുകൾക്കുള്ളിൽ സേന 20 ഫോർവേഡ് ഓപ്പറേറ്റിംഗ് ബേസുകൾ (എഫ്‌ഒ‌ബി) സ്ഥാപിച്ചിട്ടുണ്ടെന്നും എന്നാൽ സുക്മ-ബിജാപൂർ-ദന്തേവാഡ മേഖലയിലെ 330 കിലോമീറ്ററിലധികം റോഡുകൾ ഏകദേശം 12 വർഷമായി പൂർത്തീകരിക്കാൻ കാത്തിരിക്കുകയാണെന്നും അദ്ദേഹം പറഞ്ഞു. “റോഡുകളുടെ പ്രശ്നം (കോർ നക്സൽ സോണിൽ) ഗുരുതരമായ ഒന്നാണ്. മാവോയിസ്റ്റ് മേഖലകളിൽ ഞങ്ങളുടെ ക്യാമ്പുകൾ നാൾക്കുനാൾ വർധിച്ചുവരികയാണ്. എന്നാൽ അവയെ ബന്ധിപ്പിക്കുന്ന റോഡുകളില്ല. 2007-08 മുതൽ പദ്ധതികൾ മുടങ്ങിക്കിടക്കുകയാണെന്നും അദ്ദേഹം പറഞ്ഞു.
മാർച്ച് 19 ന് ജമ്മുവിൽ നടക്കുന്ന 63-ാമത് സിആർപിഎഫ് ദിനാചരണത്തിന് മുന്നോടിയായി മാധ്യമപ്രവർത്തകരോട് സംസാരിച്ച സിംഗ്, ജമ്മു കശ്മീരിൽ അക്രമ സംഭവങ്ങൾ കുറഞ്ഞിട്ടുണ്ടെന്നും പറഞ്ഞു. യുപി, പഞ്ചാബ് തെരഞ്ഞെടുപ്പുകളിൽ സേനയുടെ പങ്കിനെക്കുറിച്ച് ചോദിച്ചപ്പോൾ, 41 വിഐപികൾക്ക് സിആർപിഎഫ് പരിരക്ഷ നൽകിയെന്നും 27 പേരുടെ സുരക്ഷ തിരഞ്ഞെടുപ്പിന് ശേഷം പിൻവലിച്ചെന്നും അദ്ദേഹം വ്യക്തമാക്കി.
