അന്വേഷണം വാർത്തകൾ ലഭിക്കാന് വാട്സാപ്പ് ചാനലില് ചേരൂ.യുക്രൈന് – റഷ്യ നാലാം ഘട്ട ചര്ച്ച ഇന്ന് വീണ്ടും തുടരും. ചര്ച്ച ഇന്നലെ രാത്രിയോടെ അവസാനിപ്പിച്ചെന്നും ഇന്ന് തുടരുമെന്നും യുക്രൈന് പ്രതിനിധി മിഖൈലോ പോഡോലിയാക് ട്വിറ്ററിലൂടെ അറിയിച്ചിരുന്നു. യുക്രൈന് സമയം ഇന്നലെ രാവിലെ 10.30 മുതലാണ് വീഡിയോ കോണ്ഫറന്സിലൂടെ ചര്ച്ച തുടങ്ങിയത്. യുക്രൈനില് റഷ്യ അടിയന്തരമായി വെടിനിറുത്തല് പ്രഖ്യാപിക്കണമെന്നും റഷ്യന് സൈന്യം പിന്മാറണമെന്നും യുക്രൈന് പ്രതിനിധി മിഖൈലോ പോഡോലിയാക് അറിയിച്ചിരുന്നു.
അതേസമയം മുമ്പ് നടന്ന മൂന്നു ചര്ച്ചകളും ഫലം കാണാതെ പിരിയുകയായിരുന്നു. സംഘര്ഷം അവസാനിപ്പിക്കാന് റഷ്യന് പ്രസിഡന്റ് വ്ളാദിമിര് പുട്ടിനുമായി നേരിട്ടുള്ള ഒരു കൂടിക്കാഴ്ച സംഘടിപ്പിക്കുക എന്നതാണ് തങ്ങളുടെ സംഘത്തിന്റെ പ്രധാന ദൗത്യമെന്ന് യുക്രൈന് പ്രസിഡന്റ് വ്ളാദിമിര് സെലന്സ്കി ആവര്ത്തിച്ചു.
