അന്വേഷണം വാർത്തകൾ ലഭിക്കാന്‍ വാട്സാപ്പ് ഗ്രൂപ്പില്‍ ചേരൂ.
ഹൈദരാബാദ്: ഫൈനാൻസിയറെ 85 ലക്ഷം രൂപ വഞ്ചിച്ചെന്ന പരാതിയിൽ തെലുങ്ക് സിനിമാ നിർമ്മാതാവ് ബെല്ലംകൊണ്ട സുരേഷിനും മകനും നടനുമായ ബെല്ലംകൊണ്ട സായ് ശ്രീനിവാസ് എന്നിവർക്കെതിരെ ഹൈദരാബാദ് പോലീസ് വഞ്ചനാക്കുറ്റത്തിന് പോലീസ് കേസെടുത്തു.
സിറ്റി കോടതിയുടെ നിർദ്ദേശപ്രകാരം സെൻട്രൽ ക്രൈം സ്റ്റേഷൻ (സിസിഎസ്) പോലീസ് ഇരുവർക്കുമെതിരെ കേസെടുത്തു.
2018ൽ ഒരു സിനിമ നിർമ്മിക്കുന്നതിനായി നിർമ്മാതാവും മകനും തന്നിൽ നിന്ന് തവണകളായി പണം കൈപ്പറ്റിയെന്ന പരാതിയുമായി വിഎൽ ശ്രാവൺ കുമാർ കോടതിയെ സമീപിച്ചിരുന്നു. മലിനേനി ഗോപിചന്ദിന്റെ സംവിധാനത്തിൽ ഒരുക്കുന്ന സിനിമയിൽ അസിസ്റ്റന്റ് പ്രൊഡ്യൂസറായി തന്നെ എടുക്കാമെന്ന് നിർമ്മാതാവ് വാഗ്ദാനം ചെയ്തിരുന്നതായി ഹർജിക്കാരൻ വാദിച്ചു.
ഇവരുടെ വാക്ക് വിശ്വസിച്ച് പണം നൽകിയെങ്കിലും അവർ തന്നെ വഞ്ചിച്ചതായി ഫിനാൻഷ്യർ കോടതിയെ അറിയിച്ചു. സുരേഷിനും ശ്രീനിവാസിനുമെതിരെ കേസെടുക്കാൻ കോടതി പൊലീസിനോട് നിർദേശിച്ചിരുന്നു.
ഇന്ത്യൻ ശിക്ഷാ നിയമത്തിലെ സെക്ഷൻ 406 (ക്രിമിനൽ വിശ്വാസ വഞ്ചന), 417, 420 (വഞ്ചന), 120 ബി (ക്രിമിനൽ ഗൂഢാലോചന) എന്നിവ പ്രകാരം സിസിഎസ് പോലീസ് കേസെടുത്തു.
അന്വേഷണത്തിന്റെ ഭാഗമായി പരാതിക്കാരനോട് ബന്ധപ്പെട്ട രേഖകളുമായി അന്വേഷണ ഉദ്യോഗസ്ഥന് മുമ്പാകെ ഹാജരാകാനും മൊഴി രേഖപ്പെടുത്താനും പോലീസ് ആവശ്യപ്പെട്ടു.
