അന്വേഷണം വാർത്തകൾ ലഭിക്കാന്‍ വാട്സാപ്പ് ഗ്രൂപ്പില്‍ ചേരൂ.
കൊച്ചി: വനിതാ ദിനത്തിൽ സ്ത്രീകൾക്ക് കൊച്ചി മെട്രോയിൽ സൗജന്യ യാത്ര. അന്താരാഷ്ട്ര വനിതാ ദിനമായ മാർച്ച് എട്ടിന് സ്ത്രീകൾക്ക് പരിധിയില്ലാതെ സൗജന്യമായി യാത്ര ചെയ്യാമെന്ന് കൊച്ചി മെട്രോ അറിയിച്ചു.
ഏത് സ്‌റ്റേഷനിൽ നിന്ന് ഏത് സ്‌റ്റേഷനുകളിലേക്കും സ്ത്രീകൾക്ക് പരിധിയില്ലാതെ യാത്ര ചെയ്യാം. സൗജന്യ യാത്ര ഒരുക്കുന്നതിനൊപ്പം വിവിധ സ്റ്റേഷനുകളിൽ പല മത്സരങ്ങളും മറ്റ് പരിപാടികളും കൊച്ചി മെട്രോ സംഘടിപ്പിച്ചിട്ടുണ്ട്.
ശിവരാത്രി പ്രമാണിച്ച് കൊച്ചി മെട്രോ സ്‌പെഷ്യൽ സർവീസ് നടത്തുന്നുണ്ട്. മാർച്ച് 1ന് രാത്രിയും മാർച്ച് 2ന് വെളുപ്പിനുമാണ് അധിക പ്രത്യേക സർവീസുകൾ. മാർച്ച് ഒന്നിന് പേട്ടയിൽ നിന്ന് രാത്രി 11 മണിക്ക് ആലുവയിലേക്ക് പ്രത്യേക സർവീസ് ഉണ്ടാകും. രണ്ടാം തിയതി വെളുപ്പിന് 4.30 മുതൽ പേട്ടയിലേക്കുള്ള സർവീസ് ആലുവ സ്‌റ്റേഷനിൽ നിന്ന് ആരംഭിക്കും. പിന്നീട് 30 മിനിറ്റ് ഇടവിട്ട് ആലുവയിൽ നിന്ന് പേട്ടയിലേക്ക് ട്രെയിൻ സർവീസ് ഉണ്ടാകും.
