റ​ഷ്യ- യു​ക്രെ​യ്ൻ സം​ഘ​ർ​ഷം; എണ്ണവില കുതിച്ചുയരുന്നു

മോസ്കോ: റ​ഷ്യ- യു​ക്രെ​യ്ൻ സം​ഘ​ർ​ഷം രൂക്ഷമായതോടെ അന്താരാഷ്ട്ര വിപണിയിൽ എണ്ണവില കുതിച്ചുയരുന്നു. രാജ്യന്തര വിപണിയിൽ എണ്ണ ബാരലിന് 100 ഡോളറിലേക്കാണ് നീങ്ങുന്നത്. ആഗോള ഓഹരിവിപണിയിലും ഇടിവുണ്ടായി. 2014ന് ശേഷമുള്ള ഏറ്റവും ഉയർന്ന നിരക്കിലേക്കാണ് വില ഉയർന്നത്.

ക്രൂ​ഡ് വി​ല ഉ​യ​രു​ന്ന​ത് വി​വി​ധ രാ​ജ്യ​ങ്ങ​ളി​ൽ ഇ​ന്ധ​ന വി​ല​ക്ക​യ​റ്റ​ത്തി​ന് കാ​ര​ണ​മാ​കു​മെ​ന്നാ​ണ് വി​ല​യി​രു​ത്ത​ൽ. സൗ​ദി അ​റേ​ബ്യ ക​ഴി​ഞ്ഞാ​ൽ ലോ​ക​ത്തി​ലെ ഏ​റ്റ​വും വ​ലി​യ ര​ണ്ടാ​മ​ത്തെ എ​ണ്ണ ക​യ​റ്റു​മ​തി​ക്കാ​രാ​ണ് റ​ഷ്യ. പ്ര​കൃ​തി വാ​ത​ക​വും ഉ​ത്പാ​ദി​പ്പി​ക്കു​ന്ന രാ​ജ്യ​മാ​ണ് റ​ഷ്യ.യുക്രൈൻ കേന്ദ്രീകരിച്ച് ദീർഘകാലം യുദ്ധം തുടർന്നേക്കുമെന്ന സൂചന വന്നതോടെയാണ് എണ്ണവില കുതിക്കുന്നത്.

വിമത മേഖലകൾക്ക് സ്വയം ഭരണാധികാരം നൽകുമെന്ന് പ്രഖ്യാപിച്ചതിന് പിന്നാലെ കിഴക്കൻ യുക്രൈനിലേക്ക് റഷ്യ സൈന്യത്തെ അയച്ചു. റഷ്യയുടെ നടപടിയെ യു.എൻ സുരക്ഷാ കൗൺസിൽ അപലപിച്ചു. നീക്കം അധിനിവേശമാണെന്ന് പറഞ്ഞ അമേരിക്ക വിമതമേഖലകളിൽ ഉപരോധം ഏർപ്പെടുത്തുകയും ചെയ്തിട്ടുണ്ട്.
 
അതേസമയം, ഇ​ന്ത്യ​യി​ൽ അ​ഞ്ചു സം​സ്ഥാ​ന​ങ്ങ​ളി​ലെ നി​യ​മ​സ​ഭാ തെ​ര​ഞ്ഞെ​ടു​പ്പു ക​ഴി​യു​ന്ന​തോ​ടെ പ്രാ​ദേ​ശി​ക ഇ​ന്ധ​ന​വി​ല കു​തി​ക്കു​മെ​ന്ന സൂ​ച​ന​ക​ള്‍ എ​ണ്ണ​ക്ക​മ്പ​നി​ക​ൾ ന​ൽ​കി​യി​ട്ടു​ണ്ട്. ക​ഴി​ഞ്ഞ ന​വം​ബ​റി​ലാ​ണ് കേ​ന്ദ്ര സ​ര്‍​ക്കാ​ര്‍ ഇ​ന്ധ​ന​ത്തി​ന്‍റെ എ​ക്സൈ​സ് തീ​രു​വ കു​റ​ച്ച​ത്.