വ​ന്യ​മൃ​ഗ​ങ്ങ​ളു​ടെ ശ​ല്യം ത​ട​യാ​ൻ വൈ​ദ്യു​തി തൂ​ക്കു​വേ​ലി​യൊ​രു​ങ്ങു​ന്നു; അ​ടു​ത്ത മാ​സം ആ​ദ്യ​വാ​രം പ​ണി തു​ട​ങ്ങും

ശ്രീ​ക​ണ്ഠ​പു​രം: അ​തി​ർ​ത്തി മ​ല​യോ​ര ഗ്രാ​മ​ങ്ങ​ളി​ലെ ജ​ന​വാ​സ​കേ​ന്ദ്ര​ങ്ങ​ളി​ലും കൃ​ഷി​യി​ട​ങ്ങ​ളി​ലും കാ​ട്ടാ​ന​യ​ട​ക്ക​മു​ള്ള വ​ന്യ​മൃ​ഗ​ങ്ങ​ളു​ടെ ശ​ല്യം ത​ട​യാ​ൻ വൈ​ദ്യു​തി തൂ​ക്കു​വേ​ലി​യൊ​രു​ങ്ങു​ന്നു. അ​ടു​ത്ത മാ​സം ആ​ദ്യ​വാ​രം പ​ണി തു​ട​ങ്ങും.

പ​യ്യാ​വൂ​ർ പ​ഞ്ചാ​യ​ത്തി​ന്റെ ക​ർണാ​ട​ക അ​തി​ർത്തി പ്ര​ദേ​ശ​ങ്ങ​ളി​ലാ​ണ് ആ​ദ്യ​ഘ​ട്ട​ത്തി​ൽ തൂ​ക്കു​വേ​ലി​ക​ൾ സ്ഥാ​പി​ക്കാ​ൻ ധാ​ര​ണ​യാ​യ​ത്. ആ​ടാം​പാ​റ മു​ത​ൽ കാ​ഞ്ഞി​ര​ക്കൊ​ല്ലി വ​രെ ക​ർ​ണാ​ട​ക​യു​മാ​യി അ​തി​ർ​ത്തി പ​ങ്കി​ടു​ന്ന 16 കി.​മീ ഭാ​ഗ​ത്താ​ണ് 55 ല​ക്ഷം രൂ​പ ചെ​ല​വി​ൽ സൗ​രോ​ർ​ജ തൂ​ക്കു​വേ​ലി​ക​ൾ നി​ർ​മി​ക്കു​ന്ന​ത്. പ​ദ്ധ​തി​ക്ക് അം​ഗീ​കാ​രം ല​ഭി​ച്ച​തോ​ടെ തു​ക വ​നം​വ​കു​പ്പി​​ൻറെ അ​ക്കൗ​ണ്ടി​ലേ​ക്ക് കൈ​മാ​റി​യ​താ​യും അ​തി​വേ​ഗം വേ​ലി​യൊ​രു​ക്കു​മെ​ന്നും പ​യ്യാ​വൂ​ർ പ​ഞ്ചാ​യ​ത്ത് പ്ര​സി​ഡ​ൻറ്​ സാ​ജു സേ​വ്യ​ർ ‘മാ​ധ്യ​മ’​ത്തോ​ട് പ​റ​ഞ്ഞു.

കേ​ര​ള സ്‌​റ്റേ​റ്റ് പൊ​ലീ​സ് ഹൗ​സി​ങ്​ ക​ൺ​സ്ട്ര​ക്ഷ​ൻ കോ​ർ​പ​റേ​ഷ​നാ​ണ് നി​ർ​മാ​ണ​ച്ചു​മ​ത​ല. അ​ടു​ത്ത​യാ​ഴ്ച പ​യ്യാ​വൂ​ർ പ​ഞ്ചാ​യ​ത്തും വ​നം​വ​കു​പ്പും നി​ർ​മാ​ണ ഏ​ജ​ൻ​സി​യു​മാ​യി ക​രാ​ർ ഒ​പ്പി​ടും. പ​യ്യാ​വൂ​ർ പ​ഞ്ചാ​യ​ത്ത് 25 ല​ക്ഷം, ഇ​രി​ക്കൂ​ർ ബ്ലോ​ക്ക് പ​ഞ്ചാ​യ​ത്ത് അ​ഞ്ച് ല​ക്ഷം, ജി​ല്ല പ​ഞ്ചാ​യ​ത്ത് 25 ല​ക്ഷം എ​ന്നി​ങ്ങ​നെ​യാ​ണ് 55 ല​ക്ഷം പ​ദ്ധ​തി​ക്കാ​യി മു​ട​ക്കു​ന്ന​ത്.