കോഴിക്കോട് വിമാനത്താവളത്തിലെ റൺവേ നീളം കുറച്ച് റൺവേ എൻഡ് സേഫ്റ്റി ഏരിയ വർധിപ്പിക്കാനുള്ള നടപടി റദ്ദാക്കി

കരിപ്പൂർ: കോഴിക്കോട് വിമാനത്താവളത്തിലെ റൺവേ നീളം കുറച്ച് റൺവേ എൻഡ് സേഫ്റ്റി ഏരിയ (റെസ) വർധിപ്പിക്കാനുള്ള നടപടി റദ്ദാക്കി. ഇതുസംബന്ധിച്ചുള്ള നിർദേശം വിമാനത്താവള അതോറിറ്റി ആസ്ഥാനത്തുനിന്ന് കരിപ്പൂരിൽ ലഭിച്ചു. വ്യാപക പ്രതിഷേധങ്ങൾക്ക്‌ ഒടുവിലാണ് തീരുമാനം.

റൺവേ 2860 മീറ്റർ ഉള്ളത് 2540 മീറ്റർ ആയി ചുരുക്കി രണ്ടു വശത്തും റെസ 240 മീറ്ററായി വർധിപ്പിക്കാൻ വേണ്ടിയായിരുന്നു നടപടി. ഇതിനോടൊപ്പമുള്ള അനുബന്ധ പ്രവൃത്തികളും താൽക്കാലികമായി നിർത്തിവെക്കാനാണ് നിർദേശം ലഭിച്ചിരിക്കുന്നത്.

സു​ര​ക്ഷ കൂട്ടാനെന്ന പേരിലായിരുന്നു റി​സയുടെ നീ​ളം വ​ർ​ധി​പ്പി​ക്കാ​ൻ തീരുമാനിച്ചിരുന്നത്. എ​ന്നാ​ൽ, ഇത് വ​ലി​യ വി​മാ​ന സ​ർ​വി​സു​ക​ൾ പു​ന​രാ​രം​ഭി​ക്കു​ന്ന​തി​ന്​ തി​രി​ച്ച​ടി​യാ​കു​മോ എ​ന്ന ആ​ശ​ങ്ക​യു​ണ്ടായിരുന്നു.

ക​രി​പ്പൂ​രി​ൽ 2860 മീ​റ്റ​റാ​ണ്​ റ​ൺ​വേ​യു​ടെ നീ​ളം. ഇ​തി​ന്​ ശേ​ഷം 90 മീ​റ്റ​റാ​ണ്​ റി​സ​യു​ള്ള​ത്. 2017ൽ ​റി​സ 240 മീ​റ്റ​ർ വേ​ണ​മെ​ന്ന നി​ർ​ദേ​ശ​ത്തിന്റെ അ​ടി​സ്ഥാ​ന​ത്തി​ൽ റ​ൺ​വേ​യി​ൽ​നി​ന്ന്​ 150 മീ​റ്റ​ർ റി​സ​യാ​യാ​ണ്​ പ​രി​ഗ​ണി​ച്ച​ത്.

ഇ​തി​ന്​ പ​ക​രം റ​ൺ​വേ​യു​ടെ ര​ണ്ട​റ്റ​ത്തും 150 മീ​റ്റ​ർ വീ​തം എ​ടു​ത്ത്​ റി​സ 240 മീ​റ്റ​റാ​യി വ​ർ​ധി​പ്പി​ക്ക​ണ​മെ​ന്നാ​ണ്​​ ഡ​യ​റ​ക്​​ട​റേ​റ്റ്​ ജ​ന​റ​ൽ ഓ​ഫ്​ സി​വി​ൽ ഏ​വി​യേ​ഷ​ൻ (ഡി.​ജി.​സി.​എ) നി​ർ​ദേ​ശിച്ചിരുന്നത്. ര​ണ്ട്​ വ​ശ​ത്തും 240 മീ​റ്റ​ർ ച​തു​പ്പ്​ നി​ല​മാ​യി മാ​റ്റ​ണ​മെ​ന്ന നി​ർ​ദേ​ശ​മാ​ണ്​ ല​ഭി​ച്ച​ത്. ഇ​തി​നാ​യി ര​ണ്ട്​ ഭാ​ഗ​ത്തു​നി​ന്നും 150 മീ​റ്റ​ർ കു​റ​യു​ന്ന​തോ​ടെ റ​ൺ​വേ 2560 മീ​റ്റ​റാ​യി ചു​രു​ങ്ങും. ​