അന്വേഷണം വാർത്തകൾ ലഭിക്കാന് വാട്സാപ്പ് ചാനലില് ചേരൂ.കോഴിക്കോട്: ലോകായുക്തക്കെതിരേ വീണ്ടും രൂക്ഷ വിമര്ശനവുമായി മുന്മന്ത്രി കെ ടി ജലീല്. ‘പന്നികള്ക്കല്ലെങ്കിലും എല്ലിന് കഷ്ണങ്ങളോട് പണ്ടേ താല്പര്യമില്ല. പണ്ടേക്കുപണ്ടേ മനുഷ്യ വിസര്ജ്യത്തോടാണല്ലോ പഥ്യം. അതില് കിടന്ന് ഗുസ്തി പിടിച്ച് പുളയാനാണ് അവക്കെപ്പോഴും ഇഷ്ട’മെന്നും കെ ടി ജലീല് പറഞ്ഞു.ഫെയ്സ്ബുക്ക് കുറിപ്പിലൂടെയാണ് അദ്ദേഹത്തിൻ്റെ പ്രതികരണം.
ലോകായുക്ത ജസ്റ്റിസ് സിറിയക് ജോസഫ് കഴിഞ്ഞ ദിവസം നടത്തിയ പരാമർശത്തിന് മറുപടിയായാണ് ഫേയ്സ്ബുക്ക് കുറിപ്പിലൂടെ ജലീലിന്റെ പ്രതികരണം. ‘പുലി എലിയായ കഥ: അഥവാ ഒരു പന്നി പുരാണം’ എന്ന തലക്കെട്ടോടെയാണ് അദ്ദേഹത്തിൻ്റെ കുറിപ്പ് ആരംഭിക്കുന്നത്. ‘വഴിയില് എല്ലുകടിച്ചുകൊണ്ടിരിക്കുന്ന പട്ടിയുടെ അടുത്തുചെന്നാല് എല്ല് തട്ടിയെടുക്കാനാണെന്ന് പട്ടി കരുതും. പട്ടി എല്ലുമായി ഗുസ്തി പിടിക്കട്ടേ’- എന്നൊരു പരാമര്ശം കഴിഞ്ഞദിവസം ലോകായുക്ത നടത്തിയിരുന്നു.
മാതൃഭൂമി ദിനപത്രത്തിലെ ഈ വാര്ത്താഭാഗം അടിവരയിട്ടു കാണിച്ചാണ് ജലീലിൻ്റെ കുറിപ്പ്. കേരളത്തിലെ ലോകായുക്താ നിയമത്തിലെ 14-ാം വകുപ്പ് ഭരണഘടനാ വിരുദ്ധമാണെന്ന് മനസ്സിലാക്കാന് 21 വര്ഷം വേണ്ടിവന്നുവെന്നും ലോകായുക്ത ജസ്റ്റിസ് സിറിയക് ജോസഫ് പറഞ്ഞിരുന്നു. ലോകായുക്തയെ വിമര്ശിക്കുന്ന രാഷ്ട്രീയക്കാരുടെയും മാധ്യമങ്ങളുടെയും പ്രസ്താവനകള്ക്ക് ഇപ്പോള് മറുപടി പറയുന്നില്ലെന്നും അദ്ദേഹം പറഞ്ഞു. ലോകായുക്തയ്ക്കതിരേ വിമര്ശനമുന്നയിച്ച് മുന് മന്ത്രി കെ ടി ജലീല് നടത്തുന്ന പ്രചാരണങ്ങളെക്കുറിച്ച് പേരെടുത്തുപറയാതെ പരോക്ഷമായാണ് ലോകായുക്ത സൂചിപ്പിച്ചത്.
ജലീലിൻ്റെ ഫെയ്സ്ബുക്ക് കുറിപ്പിൻ്റെ പൂര്ണരൂപം
പുലി എലിയായ കഥ: അഥവാ ഒരു പന്നി പുരാണം
പന്നികള്ക്കല്ലെങ്കിലും എല്ലിന് കഷ്ണങ്ങളോട് പണ്ടേ താല്പര്യമില്ല. പണ്ടേക്കുപണ്ടേ മനുഷ്യ വിസര്ജ്ജ്യത്തോടാണല്ലോ പഥ്യം. അതില് കിടന്ന് ഗുസ്തി പിടിച്ച് പുളയാനാണ് അവക്കെപ്പോഴും ഇഷ്ടം. അദ്ധ്വാനിച്ച് തിന്നുന്ന ഏര്പ്പാട് മുമ്പേ പന്നികള്ക്ക് ഇല്ല. മറ്റുള്ളവര് ഉണ്ടാക്കിയത് നശിപ്പിച്ച് അകത്താക്കലാണ് എക്കാലത്തെയും അവയുടെ ഹോബി.
കാട്ടുപന്നികള്ക്ക് ശുപാര്ശ മാത്രമാണ് ശരണം. പന്നി ബന്ധുക്കളും തഥൈവ. മുബൈയിലെ ആന്ധ്രക്കാരന് കര്ഷകൻ്റെ തോട്ടത്തിലെ വിളയെല്ലാം ഒരു കൊളുന്ത പന്നി നശിപ്പിച്ചു. സ്ഥിരോല്സാഹിയായ പാവം കര്ഷകന് കൃഷിപ്പണി തന്നെ ഉപേക്ഷിക്കേണ്ടി വന്നു. കൊളീജിയം കര്ഷകര് സൂക്ഷിക്കുക. പന്നിയും കൊളുന്തയും എറണാങ്കുളത്തും പരിസരത്തും കറങ്ങി നടക്കുന്നുണ്ട്. മുന്കരുതല് എടുത്തില്ലെങ്കില് ആന്ധ്ര കര്ഷകൻ്റെ ഗതി വരും. ജാഗ്രതൈ.
https://www.facebook.com/plugins/post.php?href=https%3A%2F%2Fwww.facebook.com%2Fdrkt.jaleel%2Fposts%2F497494585065933&show_text=true&width=500
