അന്വേഷണം വാർത്തകൾ ലഭിക്കാന് വാട്സാപ്പ് ചാനലില് ചേരൂ.
അമേരിക്ക: അമേരിക്കൻ പൗരന്മാര് എത്രയും വേഗം യുക്രൈന് വിടണമെന്ന് പ്രസിഡന്റ് ജോ ബൈഡന്റെ ആഹ്വാനം ചെയ്തു. ‘ലോകത്തിലെ വലിയ സൈന്യവുമായാണ് നമ്മള് ഇടപാട് നടത്തുന്നത്. വളരെ വ്യത്യസ്തമായ സാഹചര്യമാണ്. കാര്യങ്ങള് ഏതുനിമിഷവും കൈവിട്ടുപോകാം”, ബൈഡന് വ്യക്തമാക്കി. റഷ്യന് അധിനിവേശമുണ്ടായാല് അമേരിക്കക്കാരെ രക്ഷിക്കാന് പോലും ഒരു കാരണവശാലും യുക്രൈനിലേക്ക് യുഎസ് സൈനികരെ അയക്കില്ലെന്നും ബൈഡന് ആവര്ത്തിക്കുകയും ചെയ്തു.
യുക്രൈന് അതിര്ത്തിയിലേക്ക് റഷ്യയുടെ വിവിധഭാഗങ്ങളില്നിന്ന് കൂടുതല് സൈനികര് എത്തിക്കൊണ്ടിരിക്കുകയാണെന്ന് യു.എസ്. പ്രതിരോധമന്ത്രാലയ ആസ്ഥാനമായ പെന്റഗണ് പറഞ്ഞിരുന്നു. 24 മണിക്കൂറിനിടെ ബെലാറസ്, യുക്രൈന് അതിര്ത്തിയിലെ സേനാവിന്യാസം റഷ്യ വേഗത്തിലാക്കിയെന്ന് പെന്റഗണ് വക്താവ് ജോണ് കിര്ബി വ്യക്തമാക്കി. നിലവില് ഏകദേശം 1.3 ലക്ഷം സൈനികര് സര്വസജ്ജീകരണങ്ങളുമായി നിലയുറപ്പിച്ചിട്ടുണ്ടെന്നാണ് അനുമാനമെന്നും കൃത്യമായ എണ്ണം പറയാനാകില്ലെങ്കിലും വടക്കന് മേഖലയിലേക്കുള്ള സൈനികരുടെ ഒഴുക്കുവര്ധിച്ചതായും ബൈഡൻ വ്യക്തമാക്കി.
