അന്വേഷണം വാർത്തകൾ ലഭിക്കാന് വാട്സാപ്പ് ചാനലില് ചേരൂ.
പാലക്കാട്: പാലക്കാട് മലമ്പുഴയില് മലയിടുക്കില് കുടുങ്ങി പോയ ബാബുവിനെ ഒടുവിൽ രക്ഷിച്ചു . 46 മണിക്കൂറിന് ശേഷമാണ് ബാബു എന്ന യുവാവിനെ രക്ഷപ്പെടുത്തിയത്. രക്ഷാദൗത്യ സംഘത്തിലെ രണ്ട് പേര് ബാബുവിനരികെയെത്തി കയറിട്ട് മലയുടെ ഏറ്റവും മുകളിലെത്തിക്കുകയായിരുന്നു. കയര് അരയില് ബെല്റ്റിട്ട് കുടുക്കിയാണ് ബാബുവിനെ മുകളിൽ എത്തിച്ചത്. ഹെലികോപ്ടര് ഉപയോഗിച്ച് എയര്ലിഫ്റ്റ് ചെയ്ത് ആശുപത്രിയില് എത്തിക്കും. ബേസ് ക്യാമ്പിൽ എത്തിച്ച് പ്രാഥമിക ചികിത്സ നല്കിയ ശേഷമായിരിക്കും ആശുപത്രിയിൽ എത്തിക്കുമെന്നാണ് റിപ്പോർട്ടുകൾ. എയര്ലിഫ്റ്റിങ്ങിനായി കോസ്റ്റ്ഗാര്ഡിന്റെ ഹെലികോപ്ടര് ഉടനെത്തും .
ബാബുവിന് കുറച്ച് മുമ്പാണ് വെള്ളവും ഭക്ഷണവും എത്തിച്ചത്. സൈന്യമാണ് വെള്ളവും ഭക്ഷണവും നല്കിയത്. ദൗത്യസംഘത്തിലെ ഒരാള് കയറിലൂടെ ഇറങ്ങിയാണ് വെള്ളവും ഭക്ഷണവും എത്തിച്ച് നൽകിയത്. രണ്ട് കുപ്പി വെള്ളമാണ് നല്കിയത്. 45 മണിക്കൂറിനൊടുവിലാണ് വെള്ളവും ഭക്ഷണവും എത്തിച്ചത്. ബാബു ഏറെ നേരെ വെള്ളം ചോദിച്ചിരുന്നു. വെള്ളം നല്കുന്നതിനായി വലിയ ഡ്രോണ് കോയമ്പത്തൂരില് നിന്നും എത്തിച്ചിരുന്നു. പക്ഷെ അതിന് മുമ്പേ അദ്ദേഹത്തിന് സൈന്യം വെള്ളവും ഭക്ഷണവും നല്കി. ഇന്നലെ വെള്ളവും ഭക്ഷണവും എത്തിക്കാന് ശ്രമിച്ചെങ്കിലും പരാജയപ്പെട്ടിരുന്നു. 20 അംഗ എന്ഡിആര്എഫ് ടീം, രണ്ട് യൂണിറ്റ് കരസേന, ഫയര്ഫോഴ്സ് എന്നിവരാണ് രക്ഷാദൗത്യത്തിന് നേതൃത്വം നല്കുന്നത്. രക്ഷാപ്രവര്ത്തനത്തിനായി ബേസ് ക്യാമ്പ് തുറന്നിട്ടുണ്ട്.
