അന്വേഷണം വാർത്തകൾ ലഭിക്കാന് വാട്സാപ്പ് ചാനലില് ചേരൂ.കൊല്ലം: ആശ്രാമം ഇ.എസ്.ഐ ആശുപത്രിയുടെ വികസനം തടസപ്പെടുത്താനുള്ള ഗൂഢാലോചനയുടെ ഭാഗമാണ് സി.ഐ.ടി.യുവിന്റെ സമരപ്രഖ്യാപനമെന്ന് എൻ.കെ. പ്രേമചന്ദ്രൻ എം.പി പറഞ്ഞു.ആശുപത്രി വികസനത്തിനായി എം.പി എന്ന നിലയിൽ നിരന്തരമായി നടത്തിയ പരിശ്രമങ്ങൾ ഫലം കണ്ടപ്പോൾ അതിനെതിരെ സമരം പ്രഖ്യാപിക്കുന്നത് വിചിത്രമാണ്.
ആശുപത്രി വികസനത്തിനുള്ള പദ്ധതിക്ക് അംഗീകാരം ലഭിക്കുകയും നിർമ്മാണത്തിനായി കേന്ദ്ര പൊതുമരാമത്ത് വകുപ്പ് നൽകിയ രൂപരേഖ അംഗീകരിക്കുകയും ചെയ്ത വാർത്തയ്ക്ക് ശേഷം വികസനത്തിനായുള്ള സമരം പ്രഹസനമാണെന്നും അദ്ദേഹം കുറ്റപ്പെടുത്തി.
