കോഴിക്കോട്ട് മൊത്തവ്യാപാര സ്ഥാപനത്തിൽ പോലീസ് റെയ്ഡ്; മയക്കുമരുന്ന് പിടിച്ചെടുത്തു; രണ്ടുപേർ അറസ്റ്റിൽ

കോഴിക്കോട്: മാങ്കാവിൽ പേപ്പർ പ്ലേറ്റ്, ഗ്ലാസ് എന്നിവ വിൽക്കുന്ന മൊത്തവ്യാപാര സ്ഥാപനത്തിൽ പോലീസ് നടത്തിയ റെയ്ഡിൽ മയക്കുമരുന്ന് കണ്ടെത്തി. സംഭവത്തിൽ രണ്ടുപേരെ പോലീസ് അറസ്റ്റ് ചെയ്തു. ബേപ്പൂർ സ്വദേശി അജയകുമാർ, പെരുമണണ്ണ സ്വദേശി നിഹാൽ എന്നിവരാണ് പിടിയിലായത്. 

18 കുപ്പി ഹാഷിഷ് ഓയിലും 27 ഗ്രാം എംഡിഎംഎയും എൽഎസ്ഡി സ്റ്റാംപുമാണ് കണ്ടെത്തിയത്.

രഹസ്യവിവരത്തെ തുടർന്ന് പോലീസ് നടത്തിയ റെയ്ഡിലാണ് പ്രതികള്‍ കുടുങ്ങിയത്. ഇവരെ ചോദ്യം ചെയ്തു വരികയാണ്.