ഷില്ലോങ്ങിലെ പോലീസ് ബസാർ ഏരിയയിൽ സ്ഫോ​ട​നം; ആ​ള​പാ​യ​മി​ല്ല

ഷി​ല്ലോം​ഗ്: മേ​ഘാ​ല​യ​യി​ല്‍ സ്‌​ഫോ​ട​നം. ഷി​ല്ലോം​ഗ് മാ​ര്‍​ക്ക​റ്റി​ലെ പോ​ലീ​സ് ബ​സാ​ര്‍ കെ​ട്ടി​ട​ത്തി​ലാ​ണ് സ്‌​ഫോ​ട​നം ന​ട​ന്ന​ത്. ആ​ള​പാ​യം റി​പ്പോ​ര്‍​ട്ട് ചെ​യ്തി​ട്ടി​ല്ല. ബോംബ് സ്ക്വാഡ് ഉദ്യോഗസ്ഥർ സ്ഥലത്തെത്തി അന്വേഷണം നടത്തിവരികയാണ്. 

ഞായറാഴ്ച വൈകുന്നേരം 6.15 ഓടെയാണ് തീവ്രത കുറഞ്ഞ സ്‌ഫോടനം ഉണ്ടായത്. പ്രദേശം സുരക്ഷാ സേന വളയുകയും മാർക്കറ്റിലേക്കുള്ള പ്രവേശനം ബാരിക്കേഡുകൾ കെട്ടുകയും ചെയ്തിട്ടുണ്ട്. ഐ​ഇ​ഡി ഉ​പ​യോ​ഗി​ച്ചാ​കാം സ്‌​ഫോ​ട​നം ന​ട​ത്തി​യ​തെ​ന്ന സം​ശ​യ​ത്തി​ലാ​ണ് പോ​ലീ​സ്. 

ആളപായമൊന്നും റിപ്പോർട്ട് ചെയ്തിട്ടില്ലെന്ന് പോലീസ് അറിയിച്ചു. എന്നാൽ, മൊബൈൽ ഫോൺ കടയുടെയും വൈൻ ഷോപ്പിന്റെയും മുൻഭാഗം തകർന്നിട്ടുണ്ട്.
കോ​വി​ഡി​നെ തു​ട​ര്‍​ന്ന് മേ​ഘാ​ല​യ​യി​ല്‍ ഞാ​യ​റാ​ഴ്ച ലോ​ക്ഡൗ​ണ്‍ ഏ​ര്‍​പ്പെ​ടു​ത്തി​യി​രു​ന്നു. ഇ​തി​നാ​ലാ​ണ് ആ​ള​പാ​യം ഒ​ഴി​വാ​യ​ത്.

സം​സ്ഥാ​ന​ത്തി​ന്‍റെ ക്ര​മ​സ​മാ​ധാ​നം ത​ക​ർ​ക്കാ​ൻ ശ്ര​മി​ച്ച ആ​ളു​ക​ളെ വെ​റു​തെ വി​ടി​ല്ലെ​ന്നും, സ്‌​ഫോ​ട​ന​ത്തി​ന് പി​ന്നി​ലു​ള്ള പ്ര​തി​ക​ളെ ഉ​ട​ൻ ത​ന്നെ ക​ണ്ടെ​ത്തു​മെ​ന്നും മേ​ഘാ​ല​യ മു​ഖ്യ​മ​ന്ത്രി കോ​ൺ​റാ​ഡ് സാ​ഗ്മ ട്വി​റ്റ​റി​ൽ കു​റി​ച്ചു.