അന്വേഷണം വാർത്തകൾ ലഭിക്കാന്‍ വാട്സാപ്പ് ഗ്രൂപ്പില്‍ ചേരൂ.
കോഴിക്കോട്: കാസര്‍കോടും കോഴിക്കോടും വന്‍ എം.ഡി.എം.എ ശേഖരം പിടികൂടി. കാസര്‍കോട് നിന്ന് 243 ഉം തൊണ്ടയാട് നിന്ന് 55 ഗ്രാം എം.ഡി.എം.എയുമായാണ് പിടികൂടിയത്. ലഹരിക്കടത്ത് വ്യാപകമാണെന്ന റിപ്പോര്‍ട്ടിന്‍റെ അടിസ്ഥാനത്തില്‍ മേല്‍പറമ്പ് പൊലീസ് നടത്തിയ പരിശോധനയിലാണ് എം.ഡി.എം.എ പിടികൂടിയത്.
കീഴൂര്‍ സ്വദേശി ഷാജഹാന്‍റെ വീട്ടില്‍ നടത്തിയ പരിശോധനയില്‍ രണ്ട് ഗ്രാം എം.ഡി.എം.എ പിടികൂടി. തുടര്‍ന്ന് ചന്ദ്രഗിരി പാലത്തിന് സമീപം നടത്തിയ പരിശോധനയില്‍ സ്കൂട്ടറിനകത്ത് സൂക്ഷിച്ച നിലയില്‍ 241.38 ഗ്രാം എം.ഡി.എം.എയും ഇലക്ട്രോണിക് ത്രാസുമായി ചെമ്മനാട് കപ്പണടുക്കത്തെ ഉബൈദിനെ പിടികൂടിയത്.
കോഴിക്കോട് ജില്ലയില്‍ നിന്നും 55.2 ഗ്രാം എം.ഡി.എം.എ പിടികൂടി. മലപ്പുറം വള്ളിക്കുന്ന് അത്താണിക്കല്‍ പുലിയാങ്ങില്‍ വീട്ടില്‍ വൈശാഖ് (22), കോഴിക്കോട് താലൂക്കില്‍ ചേവായൂര്‍ മലാപ്പറമ്പ് മുതുവാട്ട് വീട്ടില്‍ വിഷ്ണു (22) എന്നിവരാണ് പിടിയിലായത്.
ഇവരിൽ നിന്നും 55ഗ്രാം എംഡിഎംഎ പിടികൂടി. ഇതിന് വിപണിയില്‍ മൂന്ന് ലക്ഷം രൂപ വിലമതിക്കും. ഇവര്‍ സഞ്ചരിച്ചബൈക്കും പോലിസ് പിടികൂടി.
എക്‌സൈസ് കമ്മിഷണറുടെ ഉത്തരമേഖല സ്‌ക്വാഡും എക്‌സൈസ് ഇന്‍റലിജന്‍സും കോഴിക്കോട് എക്‌സൈസ് സര്‍ക്കിള്‍ പാര്‍ട്ടിയുമായി ചേര്‍ന്നു നടത്തിയ പരിശോധനയിലാണ് പ്രതികളെ പിടികൂടിയത്.
