അന്വേഷണം വാർത്തകൾ ലഭിക്കാന്‍ വാട്സാപ്പ് ഗ്രൂപ്പില്‍ ചേരൂ.കോഴിക്കോട്: കോഴിക്കോട് കോടഞ്ചേരിയിൽ വൈക്കോൽ കയറ്റിവന്ന ലോറിക്ക് തീപിടിച്ചു. ഉച്ചക്ക് 12.35ന് കോടഞ്ചേരി അങ്ങാടിക്ക് സമീപത്തായിരുന്നു സംഭവം. കണ്ണോത്ത് ഭാഗത്ത് നിന്നും കോടഞ്ചേരിക്ക് വൈക്കോൽ കയറ്റി വരികയായിരുന്ന (KL-51-K-3098) ലോറിക്കാണ് തീ പിടിച്ചത്.
തീപടര്‍ന്നത് ശ്രദ്ധയില്‍പ്പെട്ടതോടെ നാട്ടുകാരനായ ഡ്രൈവര്‍ ലോറി ഗ്രൗണ്ടിലേക്ക് കയറ്റി ചുറ്റിക്കറങ്ങി വൈക്കോല്‍ കെട്ടുകള്‍ താഴെവീണ് അപകടമൊഴിവായി. കോടഞ്ചേരി ടൗണിന് 200 മീറ്റര്‍ അകലെവെച്ച് വൈക്കോല്‍ തീപിടിച്ചത് ശ്രദ്ധയില്‍പ്പെട്ടു. ഇതോടെ പരിഭ്രാന്തിയിലായ ഡ്രൈവര്‍ ലോറി നിര്‍ത്തി ഓടിരക്ഷപ്പെടുകയും ചെയ്തു.
ടൗണില്‍ വച്ച് ലോറി കത്തുമെന്ന അവസ്ഥയിലെത്തിയപ്പോള്‍ നാട്ടുകാരനായ ഡ്രൈവര്‍ ഷാജി ലോറിയില്‍ പാഞ്ഞുകയറി വാഹനം തൊട്ടടുത്ത സ്‌കൂള്‍ ഗ്രൗണ്ടിലേക്ക് ഓടിച്ച് കയറ്റി വാഹനം ഗ്രൗണ്ടില്‍ ചുറ്റിയടിച്ചതോടെ തീപിടിച്ച വൈക്കോല്‍ക്കെട്ടുകള്‍ താഴെ വീഴുകയും വലിയ തീപിടിത്തം ഒഴിവാകുകയും ചെയ്തു. ഓടിക്കൂടിയ നാട്ടുകാരും നിലത്ത് വീണ വൈക്കോല്‍ കെട്ടുകളുടെ തീയണച്ചു. വാഹനം ഓടിച്ച രണ്ടുപേരും പരിക്കേല്‍ക്കാതെ രക്ഷപ്പെട്ടു. എന്നാല്‍ അപകടത്തിൻ്റെ കാരണം എന്താണെന്ന് വ്യക്തമായിട്ടില്ല.
