വി​വാ​ദ​മാ​യ ര​വീ​ന്ദ്ര​ൻ പ​ട്ട​യ​ങ്ങ​ൾ റ​ദ്ദാ​ക്കുന്നു

തി​രു​വ​ന​ന്ത​പു​രം: വി​വാ​ദ​മാ​യ ര​വീ​ന്ദ്ര​ൻ പ​ട്ട​യ​ങ്ങ​ൾ റ​ദ്ദാ​ക്കു​ന്നു. അ​ന​ധി​കൃ​ത​മാ​യി ന​ൽ​കി​യ 530 പ​ട്ട​യ​ങ്ങ​ളാ​ണ് റ​ദ്ദാ​ക്കു​ന്ന​ത്. ഇ​തു​സം​ബ​ന്ധി​ച്ച് റ​വ​ന്യൂ അ​ഡീ​ഷ​ണ​ൽ ചീ​ഫ് സെ​ക്ര​ട്ട​റി ഡോ. ​എ. ജ​യ​തി​ല​ക് ഉ​ത്ത​ര​വി​റ​ക്കി.

നാ​ല് വ​ർ​ഷം നീ​ണ്ട പ​രി​ശോ​ധ​ന​ക​ൾ​ക്കൊ​ടു​വി​ലാ​ണ് ന​ട​പ​ടി. ഒ​ന്ന​ര​മാ​സ​ത്തി​നു​ള്ളി​ൽ ന​ട​പ​ടി​ക​ൾ പൂ​ർ​ത്തി​യാ​ക്കാ​ൻ ഇ​ടു​ക്കി ക​ള​ക്ട​ർ​ക്ക് റ​വ​ന്യൂ വ​കു​പ്പ് നി​ർ​ദേ​ശം ന​ൽ​കി. ദേ​വി​കു​ളം താ​ലൂ​ക്കി​ലെ ഒ​ൻ​പ​ത് വി​ല്ലേ​ജു​ക​ളി​ലെ പ​ട്ട​യ​ങ്ങ​ളാ​ണ് റ​ദ്ദാ​ക്കു​ന്ന​ത്. അ​ർ​ഹ​രാ​യ​വ​ർ​ക്ക് പ​ട്ട​യ​ങ്ങ​ൾ​ക്കാ​യി വീ​ണ്ടും അ​പേ​ക്ഷി​ക്കാ​നു​ള്ള സൗ​ക​ര്യം ന​ൽ​കി കൊ​ണ്ടാ​ക​ണം ന​ട​പ​ടി​ക​ൾ പൂ​ർ​ത്തി​യാ​ക്കേ​ണ്ട​തെ​ന്നും ക​ള​ക്ട​ർ​ക്ക് നി​ർ​ദേ​ശ​മു​ണ്ട്.

ദേ​വി​കു​ള​ത്ത് അ​ഡീ​ഷ​ന​ൽ ത​ഹ​സി​ൽ​ദാ​രു​ടെ ചു​മ​ത​ല​യു​ണ്ടാ​യി​രു​ന്ന ര​വീ​ന്ദ്ര​ൻ 1999ൽ ​ന​ൽ​കി​യ പ​ട്ട​യ​ങ്ങ​ളാ​ണ് അ​ന​ധി​കൃ​ത​മാ​ണെ​ന്ന് ക​ണ്ടെ​ത്തി​യ​ത്. 

പട്ടയം റദ്ദാക്കനുള്ള നീക്കങ്ങൾക്കെതിരെ എല്ലാ പാർട്ടികളും നേരത്തെ എതിർപ്പ് ഉയർത്തിയിരുന്നു. ഓരോ വില്ലേജിലും പ്രത്യേക സംഘത്തെ നിയോഗിച്ച് റദ്ദാക്കാനുള്ള നടപടി എടുക്കാനാണ് ഉത്തരവ്, പട്ടയം റദ്ദാക്കുന്ന സാഹചര്യത്തിൽ നിലവിലെ ഉടമൾക്ക് പുതിയ അപേക്ഷ വേണമെങ്കിൽ നൽകാം. ഇതും ഡെപ്യട്ടി തഹസിൽദാരും റവന്യും ഇൻസ്പെക്ടർമാരും അടങ്ങുന്ന സംഘം പരിശോധിക്കണം. 45 ദിവസത്തിനുള്ളിൽ നടപടികൾ തീർക്കണമെന്നാണ് ഉത്തരവ്. 18.6.2019 ലായിരുന്നു പട്ടയംങ്ങൾ പരിശോധിക്കാൻ റവന്യുവകുപ്പ് പ്രത്യേക സംഘത്തെ നിയോഗിച്ചത്.

1998ലാണ് വിവാദമായ രവീന്ദ്രൻ പട്ടയങ്ങൾ മൂന്നാറിൽ നൽകുന്നത്. ഇവ വ്യാജമാണെന്ന് കണ്ടെത്തുന്നത് 2007ലെ മൂന്നാർ ദൗത്യ കാലത്തും. എന്നാൽ താൻ നൽകിയത് വ്യാജ പട്ടയങ്ങളല്ലെന്ന നിലപാടിലാണ് രവീന്ദ്രൻ. രവീന്ദ്രൻ പട്ടയങ്ങൾ വ്യാജമെന്ന് പറഞ്ഞ സർക്കാർ പിന്നീട് കോടതികളിൽ നിലപാട് മാറ്റി.