ബം​ഗ​ളൂ​രു​വി​ൽ‌ രണ്ട് ഇൻഡിഗോ വിമാനങ്ങൾ നേർക്കുനേർ; കൂ​ട്ടി​യി​ടി ഒ​ഴി​വാ​യ​ത് ത​ല​നാ​രി​ഴ​യ്ക്ക്

ന്യൂ​ഡ​ൽ​ഹി: ബെംഗളൂരു വിമാനത്താവളത്തിൽനിന്നു പറന്നുയർന്നതിനു പിന്നാലെ, രണ്ട് ഇൻഡിഗോ വിമാനങ്ങൾ തമ്മിലുള്ള കൂട്ടിയിടി ഒഴിവായതു തലനാരിഴയ്‌ക്കെന്ന് ഏവിയേഷൻ റെഗുലേറ്റർ ഡയറക്ടറേറ്റ് ജനറൽ ഓഫ് സിവിൽ ഏവിയേഷൻ (ഡിജിസിഎ) അധികൃതർ അറിയിച്ചു. 

ജ​നു​വ​രി ഏ​ഴി​ന് രാ​വി​ലെ​യാ​യി​രു​ന്നു സം​ഭ​വം. വി​മാ​ന​ങ്ങ​ള്‍ പ​റ​ന്നു​യ​രു​ന്ന​തി​നി​ടെ ആ​കാ​ശ​ത്തു​വ​ച്ച് കൂ​ട്ടി​യി​ടി​ക്കാ​വു​ന്ന​യ​ത്ര അ​ടു​ത്തെ​ത്തി​യ​താ​യി ഡി​ജി​സി​എ മേ​ധാ​വി അ​രു​ണ്‍ കു​മാ​ര്‍ വെ​ളി​പ്പെ​ടു​ത്തി. കോ​ല്‍​ക്ക​ത്ത​യി​ലേ​ക്കു പു​റ​പ്പെ​ട്ട 6 ഇ 455, ​ഭു​വ​നേ​ശ്വ​റി​ലേ​ക്കു പു​റ​പ്പെ​ട്ട 6 ഇ 246 ​വി​മാ​ന​ങ്ങ​ളാ​ണ് അ​ടു​ത്തെ​ത്തി​യ​തെ​ന്ന് അ​രു​ണ്‍ കു​മാ​ര്‍ പ​റ​ഞ്ഞു.

ബം​ഗ​ളൂ​രു വി​മാ​ന​ത്താ​വ​ള​ത്തി​ൽ വ​ട​ക്കും തെ​ക്കു​മാ​യി ര​ണ്ട് റ​ൺ​വേ​ക​ളാ​ണ് ഉ​ള്ള​ത്. വ​ട​ക്ക​ൻ റ​ൺ​വേ വി​മാ​ന​ങ്ങ​ൾ പ​റ​ന്നു​യ​രു​ന്ന​തി​നും തെ​ക്ക​ൻ റ​ൺ​വേ ഇ​റ​ങ്ങു​ന്ന​തി​നു​മാ​ണ് ഉ​പ​യോ​ഗി​ക്കു​ന്ന​ത്. എ​ന്നാ​ൽ ജ​നു​വ​രി ഏ​ഴി​ന് രാ​വി​ലെ റ​ൺ​വേ ഓ​പ്പ​റേ​ഷ​ൻ ഷി​ഫ്റ്റ് ഇ​ന്‍-​ചാ​ര്‍​ജ് വി​മാ​ന​ങ്ങ​ൾ പ​റ​ന്നു​യ​രു​ന്ന​തി​നും ഇ​റ​ങ്ങു​ന്ന​തി​നും വ​ട​ക്ക​ൻ റ​ൺ​വേ മാ​ത്രം തെ​ര​ഞ്ഞെ​ടു​ത്തു.

തെ​ക്ക​ൻ റ​ൺ​വേ അ​ട​യ്ക്കു​ക​യും ചെ​യ്തു. എ​ന്നാ​ൽ വ​ട​ക്ക​ൻ ട​വ​ർ ക​ൺ​ട്രോ​ള​റെ ഈ ​വി​വ​രം അ​റി​യി​ച്ചി​ല്ല. സൗ​ത്ത് ട​വ​ർ ക​ൺ​ട്രോ​ള​ർ ബം​ഗ​ളൂ​രു​വി​ലേ​ക്ക് പോ​കു​ന്ന വി​മാ​ന​ത്തി​ന് പ​റ​ന്നു​യ​രാ​ൻ അ​നു​മ​തി ന​ൽ​കി. അ​തേ സ​മ​യം ഭു​വ​നേ​ശ്വ​റി​ലേ​ക്ക് പോ​കു​ന്ന വി​മാ​ന​ത്തി​ന് പു​റ​പ്പെ​ടാ​ൻ നോ​ർ​ത്ത് ട​വ​ർ ക​ൺ​ട്രോ​ള​റും അ​നു​മ​തി ന​ൽ​കി.

ഒ​രേ ദി​ശ​യി​ലേ​ക്കു നീ​ങ്ങു​ന്ന വി​മാ​ന​ങ്ങ​ള്‍ പ​ര​സ്പ​രം കൂ​ട്ടി​യി​ടി​ക്കു​ന്ന സാ​ഹ​ച​ര്യ​മാ​ണ് ഇ​തോ​ടെ ഉ​ണ്ടാ​യ​ത്. അ​പ​ക​ടം റ​ഡാ​ര്‍ ക​ണ്‍​ട്രോ​ള​ര്‍ കാ​ണു​ക​യും ഉ​ട​ന്‍ ത​ന്നെ വി​മാ​ന​ങ്ങ​ള്‍​ക്കു മു​ന്ന​റി​യി​പ്പ് ന​ല്‍​കു​ക​യും ചെ​യ്തതോടെ വന്‍ ദുരന്തം ഒഴിവായി. 

സം​ഭ​വ​ത്തി​ൽ ഡ​യ​റ​ക്ട​റേ​റ്റ് ജ​ന​റ​ല്‍ ഓ​ഫ് ഏ​വി​യേ​ഷ​ന്‍ (ഡി​ജി​സി​എ) അ​ന്വേ​ഷ​ണ​ത്തി​ന് ഉ​ത്ത​ര​വി​ട്ടു. ഇതേക്കുറിച്ചുള്ള പ്രതികരണത്തിന് ഇൻഡിഗോ അധികൃതർ തയാറായിട്ടില്ല.