പ്രധാനമന്ത്രിയെ വിമർശിച്ച് സ്കിറ്റ്; സീ തമിഴ്​ ചാനലിന്​ നോട്ടീസ്​ അയച്ച്​ കേന്ദ്രം

ചെ​ന്നൈ: പ്രധാനമന്ത്രി നരേന്ദ്രമോദിയെ അവഹേളിച്ചെന്ന പരാതിയിൽ സീ തമിഴ് ചാനലിന് നോട്ടീസയച്ച് കേന്ദ്ര വാർത്താവിതരണ വിനിമയ മന്ത്രാലയം. ത​മി​ഴ്‌​നാ​ട് ബിജെപി ഐടി ആൻഡ് സോഷ്യൽ മീഡിയ സെൽ സംസ്ഥാന പ്രസിഡന്റ് സിടിആർ നിർമൽ കുമാറിൻ്റെ പരാതിയിലാണ് നടപടി. കഴിഞ്ഞ ദിവസം നിർമൽ കുമാർ ചാനൽ അധികൃതർക്ക് കത്തെഴുതിയിരുന്നു.

സീ ​ത​മി​ഴ്​ ചാ​ന​ലി​ലെ ‘ജൂ​നി​യ​ർ സൂ​പ്പ​ർ സ്റ്റാ​ർ സീ​സ​ൺ 4’ലെ ​മ​ത്സ​രാ​ർ​ഥി​ക​ളാ​യ ര​ണ്ട്​ കു​ട്ടി​ക​ൾ അ​വ​ത​രി​പ്പി​ച്ച ആ​ക്ഷേ​പ​ഹാ​സ്യ പ​രി​പാ​ടി​യി​ലാണ് പ്ര​ധാ​ന​മ​ന്ത്രിക്കെതിരെ വിമർശനം. ‘സീ ​എ​ന്‍റ​ർ​ടൈ​ൻ​മെ​ന്‍റ്​ എ​ന്‍റ​ർ​പ്രൈ​സ​സി​നാ​ണ്​ നോ​ട്ടീ​സ്​ ന​ൽ​കി​യ​ത്. ഏ​ഴ്​ ദി​വ​സ​ത്തി​ന​കം വി​ശ​ദീ​ക​ര​ണം ന​ൽ​ക​ണ​മെ​ന്നും അ​ല്ലാ​ത്ത​പ​ക്ഷം ന​ട​പ​ടി സ്വീ​ക​രി​ക്കു​മെ​ന്നും നോ​ട്ടീ​സി​ൽ പ​റ​യു​ന്നു.

ജ​നു​വ​രി 15ന്​ ​സം​പ്രേ​ഷ​ണം ചെ​യ്ത പ​രി​പാ​ടി​ക്കി​ടെ നോ​ട്ട് നി​രോ​ധ​നം, പ്ര​ധാ​ന​മ​ന്ത്രി​യു​ടെ വ​സ്ത്ര​ധാ​ര​ണം, വി​ദേ​ശ യാ​ത്ര​ക​ൾ, ഓ​ഹ​രി വി​റ്റ​ഴി​ക്ക​ൽ തു​ട​ങ്ങി​യ​വ സം​ബ​ന്ധി​ച്ച പ​രാ​മ​ർ​ശ​ങ്ങ​ളാ​ണ്​ പ​രാ​തി​ക്ക്​​ കാ​ര​ണ​മാ​യ​ത്. ത​മി​ഴ്​ ഹാ​സ്യ ന​ട​ൻ വ​ടി​വേ​ലു​വി​ന്‍റെ ‘ഇം​സൈ അ​ര​സ​ൻ 23ാം പു​ലി​കേ​സി’​യെ​ന്ന സി​നി​മ​യി​ലെ ക​ഥാ​പാ​ത്ര​ങ്ങ​ളെ അ​നു​ക​രി​ച്ചാ​യി​രു​ന്നു അ​വ​ത​ര​ണം.

കു​ട്ടി​ക​ളു​ടെ ര​ണ്ട് മി​നി​റ്റ് ദൈ​ർ​ഘ്യ​മു​ള്ള സ്കി​റ്റ്​ അ​വ​ത​ര​ണ​ത്തെ വി​ധി​ക​ർ​ത്താ​ക്ക​ളും അ​വ​താ​ര​ക​രും മ​റ്റും കൈ​യ​ടി​ച്ച്​ പ്രോ​ത്സാ​ഹി​പ്പി​ച്ചി​രു​ന്നു. ചാ​ന​ലി​ന്‍റെ വെ​ബ്‌​സൈ​റ്റി​ൽ​നി​ന്ന് വി​വാ​ദ ഭാ​ഗം നീ​ക്കു​മെ​ന്നും പു​നഃ​സം​പ്രേ​ഷ​ണം ചെ​യ്യി​ല്ലെ​ന്നും ചാ​ന​ൽ മേ​ധാ​വി​ക​ൾ നേ​ര​ത്തെ ബിജെ​പി കേ​ന്ദ്ര​ങ്ങ​ളെ അ​റി​യി​ച്ചി​രു​ന്നു. കേ​ന്ദ്ര ന​ട​പ​ടി ആ​വി​ഷ്​​കാ​ര സ്വാ​ത​ന്ത്ര്യ​ത്തി​നെ​തി​രാ​യ ക​ട​ന്നാ​ക്ര​മ​ണ​മാ​ണെ​ന്നും അ​ധി​കാ​ര​മു​പ​യോ​ഗി​ച്ച്​ മാ​ധ്യ​മ​ങ്ങ​ളെ ഭീ​ഷ​ണി​​പ്പെ​ടു​ത്തി അ​ടി​ച്ച​മ​ർ​ത്താ​നു​ള്ള നീ​ക്കം പ്ര​തി​ഷേ​ധാ​ർ​ഹ​മാ​ണെ​ന്നും നാം ​ത​മി​ഴ​ർ ക​ക്ഷി നേ​താ​വ്​ സീ​മാ​ൻ പ്ര​സ്താ​വി​ച്ചു.