അന്വേഷണം വാർത്തകൾ ലഭിക്കാന്‍ വാട്സാപ്പ് ഗ്രൂപ്പില്‍ ചേരൂ.
പൂവാർ : ദിവസവും നൂറുകണക്കിനു യാത്രക്കാർ വന്നുപോകുന്ന പൂവാർ ബസ് സ്റ്റാൻഡിൽ ശൗചാലയ സൗകര്യമില്ല എന്ന് പരാതി. ഇവിടുത്തെ രണ്ട് ശൗചാലയങ്ങളും പൂട്ടിയിട്ടിരിക്കുകയാണ്. ഇത് യാത്രക്കാർക്കൊപ്പം ഇവിടെയുള്ള ജീവനക്കാരെയും പ്രതിസന്ധിയിലാക്കിയിട്ടുണ്ട്.
പൂവാർ ബസ് സ്റ്റാൻഡിൽ നേരത്തെ ഉണ്ടായിരുന്ന രണ്ട് ശൗചാലയങ്ങൾ നശിച്ചപ്പോഴാണ് പുതിയത് നിർമിക്കാൻ തീരുമാനിച്ചത്. നിലവിലുണ്ടായിരുന്നവ മാലിന്യം നിറഞ്ഞ് യാത്രക്കാർക്ക് കയറാനാവാത്ത സ്ഥിതിയിലായിരുന്നു. തുടർന്ന് പണം നൽകി ഉപയോഗിക്കാവുന്ന പുതിയ ശൗചാലയത്തിന്റെ നിർമാണം തുടങ്ങി. നിർമാണം പൂർത്തിയാക്കിയിട്ട് ആഴ്ചകൾ കഴിഞ്ഞെങ്കിലും അതും തുറന്നിട്ടില്ല.
നേരത്തെ ഇവിടെ ജീവനക്കാർമാത്രം ഉപയോഗിച്ചിരുന്ന ശൗചാലയും അറ്റകുറ്റപ്പണികൾക്കായി പൂട്ടിയെങ്കിലും അറ്റകുറ്റപ്പണികൾ നടത്തിയിട്ടും അതും തുറന്നുകൊടുക്കുന്നില്ലെന്നാണ് യാത്രക്കാർ ഉയർത്തുന്ന പരാതി. ബസ് സ്റ്റാൻഡിൽ നിലവിലുണ്ടായിരുന്ന രണ്ട് ശൗചാലയങ്ങളും ഒരുമിച്ച് പൂട്ടിയതാണ് യാത്രക്കാരെ കൂടുതൽ ബുദ്ധിമുട്ടിൽ ആക്കിയിരിക്കുന്നത്.
