കൂനൂർ ഹെലികോപ്റ്റർ അപകടം: പൈലറ്റിന്‍റെ പിഴവല്ല, കാ​ലാ​വ​സ്ഥ​യി​ൽ പെ​ട്ടെ​ന്നു​ണ്ടാ​യ മാ​റ്റം മൂ​ല​മെ​ന്ന് അന്വേഷണ റിപ്പോർട്ട്

ന്യൂ​ഡ​ൽ​ഹി: കൂനൂരില്‍ സം​യു​ക്ത സൈ​നി​ക മേ​ധാ​വി ജ​ന​റ​ൽ ബി​പി​ൻ റാ​വ​ത്തും പ​ത്നി​യും ഉ​ൾ​പ്പെ​ടെ 14 പേ​ർ മ​രി​ച്ച ഹെ​ലി​കോ​പ്ട​ർ അപകടത്തിലെ അന്വേഷണ റിപ്പോർട്ട് പുറത്ത്. അട്ടിമറിയോ, യന്ത്രതകരാറോ പൈലറ്റിന്റെ പിഴവോ കാരണമല്ല അപകടം നടന്നതെന്നാണ് റിപ്പോർട്ട്. അപ്രതീക്ഷിതമായി കാലാവസ്ഥ മാറിയതാണ് അപകടത്തിന് ഇടയാക്കിയതെന്നും റിപ്പോർട്ടിൽ പറയുന്നു. 

കാലാവസ്ഥാ മാറ്റത്തെ തുടർന്ന് ഹെലികോപ്റ്റർ മേഘങ്ങൾക്ക് ഉള്ളിലേക്ക് കയറിയത് അപകടത്തിനിടയാക്കിയെന്ന് റിപ്പോർട്ട് ചൂണ്ടിക്കാട്ടുന്നു.

മൂ​ന്നു സേ​ന​ക​ളു​ടെ​യും സം​യു​ക്ത സം​ഘം ന​ട​ത്തി​യ അ​ന്വേ​ഷ​ണം പൂ​ർ​ത്തി​യാ​യി​രു​ന്നു. എ​യ​ർ​മാ​ർ​ഷ​ൽ മാ​ന​വേ​ന്ദ്ര സിം​ഗി​ന്‍റെ നേ​തൃ​ത്വ​ത്തി​ലു​ള്ള സം​യു​ക്ത സേ​നാ സം​ഘ​മാ​ണ് അ​ന്വേ​ഷ​ണം ന​ട​ത്തി​യ​ത്. ആ​ർ​മി​യി​ലും നേ​വി​യി​ലും​നി​ന്നു​ള്ള ബ്രി​ഗേ​ഡി​യ​ർ റാ​ങ്കി​ലു​ള്ള ര​ണ്ട് ഉ​ദ്യോ​ഗ​സ്ഥ​ർ​കൂ​ടി​യാ​ണ് സം​ഘ​ത്തി​ലു​ണ്ടാ​യി​രു​ന്ന​ത്.

അ​പ​ക​ട​സ്ഥ​ല​ത്ത് നേ​രി​ട്ടെ​ത്തി തെ​ളി​വു ശേ​ഖ​രി​ച്ചും ഫ്ളൈ​റ്റ് ഡേ​റ്റാ റി​ക്കാ​ർ​ഡ​റും കോ​ക്പി​റ്റ് വോ​യി​സ് റി​ക്കാ​ർ​ഡ​റും വി​ശ​ദ​മാ​യി പ​രി​ശോ​ധി​ച്ചു​മാ​ണ് റി​പ്പോ​ർ​ട്ട് ത​യാ​റാ​ക്കി​യ​ത്.

 
ഡിസംബർ 8ന് ഉച്ചയോടെയാണ് ദുരന്തമുണ്ടായത്. ബിപിൻ റാവത്ത് സഞ്ചരിച്ച ഹെലികോപ്റ്റർ ഊട്ടിക്ക് അടുത്ത് കൂനൂരിൽ തകർന്നു വീഴുകയായിരുന്നു. വ്യോമസേനയുടെ എം.17 ഹെലികോപ്ടറാണ് അപകടത്തിൽപ്പെട്ടത്. ജനറൽ ബിപിൻ റാവത്തിനൊപ്പം അദ്ദേഹത്തിൻറെ ഭാര്യ മധുലിക റാവത്തും ഹെലികോപ്റ്ററിൽ ഉണ്ടായിരുന്നു. ഇതിന് പുറമേ സംയുക്ത സൈനിക മേധാവിയുടെ ഓഫീസ് ജീവനക്കാരും സുരക്ഷാഭടൻമാരും അടക്കം ആകെ 14 പേരാണ് ഹെലികോപ്റ്ററിൽ ഉണ്ടായിരുന്നത്.