അന്വേഷണം വാർത്തകൾ ലഭിക്കാന്‍ വാട്സാപ്പ് ഗ്രൂപ്പില്‍ ചേരൂ.തിരുവനന്തപുരം: ബന്ധുവിന്റെ വീടിന് സമീപത്ത് കുളിക്കാന്‍ പോയ വിദ്യാര്‍ഥിയെ പത്തു പേരടങ്ങുന്ന സ൦ഘ൦ കെട്ടിയിട്ട് മര്‍ദ്ദിച്ച സംഭവത്തില്‍ അഞ്ച് പേര്‍ അറസ്റ്റിലായി.സംഭവത്തിന് ശേഷം ഒളിവിലായിരുന്ന രാഹുല്‍, വിഷ്ണു, സുബിന്‍, വിനീഷ്, അക്ഷയ് എന്നിവരെയാണ് നെയ്യാര്‍ഡാം പൊലീസ് അറസ്റ്റ് ചെയ്തത്.
കുട്ടിയെ നഗ്നനാക്കി ഏറെ നേരം ഉപദ്രവിച്ചിരുന്നു. ആരോടെങ്കിലും പറഞ്ഞാല്‍ സമൂഹമാധ്യമങ്ങളിലൂടെ ചിത്രം പുറത്തുവിടുമെന്ന് ഭീഷണിപ്പെടുത്തുകയും ചെയ്തതായി പരാതിയിലുണ്ട്.ബലപ്രയോഗം നടത്തിയാണ് മദ്യം കുട്ടിയെകൊണ്ട് കുടിപ്പിച്ചത്. മര്‍ദനത്തിന്റെ ദൃശ്യങ്ങളും കുട്ടി മദ്യവും വെട്ടുകത്തിയും പിടിച്ചുകൊണ്ട് നില്‍ക്കുന്ന ചിത്രങ്ങള്‍ സംഘം മൊബൈലില്‍ പകര്‍ത്തി.
അവശനായ വിദ്യാര്‍ഥിയുടെ ദേഹത്ത് കത്തികൊണ്ട് വരഞ്ഞതിന്റെ പാടുകളുണ്ട്. മൂന്നുമണിക്കൂര്‍ കെട്ടിയിട്ട് മര്‍ദിച്ചെന്നായിരുന്നു രക്ഷിതാക്കളുടെ പരാതി.
