അന്വേഷണം വാർത്തകൾ ലഭിക്കാന്‍ വാട്സാപ്പ് ഗ്രൂപ്പില്‍ ചേരൂ.ഏറ്റവും വലതും ശക്തവുമായ ബഹിരാകാശ ശാസ്ത്ര ദൂരദര്‍ശിനി ഫ്രഞ്ച് ഗയാനയില്‍ നിന്ന് ഇന്ന് വിക്ഷേപിക്കും. ഇന്ത്യന്‍ സമയം വൈകിട്ട് 5.50 നാണ് വിക്ഷേപണം.ക്രിസ്മസ് ദിനത്തില്‍ ശാസ്ത്ര സ്നേഹികള്‍ക്കും ആകാശ നിരീക്ഷകര്‍ക്കും സമ്മാനമൊരുക്കിയിരിക്കുകയാണ് നാസ.ജെയിംസ് വെബ് സ്പേസ് ടെലിസ്കോപ്പ് (ജെഡബ്ല്യുഎസ്ടി) എന്നാണ് ദൂരദര്‍ശിനിയുടെ പേര്. ഹബിള്‍ സ്പേസ് ടെലിസ്കോപ്പിന്റെ പിന്‍ഗാമിയായാണ് ജെയിംസ് വെബിനെ കണക്കാക്കുന്നത്. നാസയുടെ ഫ്ലാഗ്ഷിപ്പ് ടെലിസ്കോപ്പാണ് ഹബിള്‍. കഴിഞ്ഞ മൂന്ന് പതിറ്റാണ്ടായി ഹബിളിന്റെ സേവനം ലഭ്യമാണ്.
ബഹിരാകാശ ശാസ്ത്ര വസ്തുക്കളുടെ ചിത്രങ്ങളും സവിശേഷതകളും പകര്‍ത്തുന്നതിനുള്ള നാല് ഉപകരണങ്ങള്‍ 0.6 മുതല്‍ 28 മൈക്രോണ്‍ വരെ തരംഗദൈര്‍ഘ്യം നല്‍കും (വൈദ്യുതകാന്തിക സ്പെക്‌ട്രത്തിന്റെ ഇന്‍ഫ്രാറെഡ് ഭാഗം ഏകദേശം 0.75 മൈക്രോണ്‍ മുതല്‍ നൂറുകണക്കിന് മൈക്രോണ്‍ വരെയാണ്).
ഡിസംബര്‍ 22 നായിരുന്നു വിക്ഷേപണം നേരത്തെ നിശ്ചയിച്ചിരുന്നത്. എന്നാല്‍ വിക്ഷേപണ പേടകവും പെലോഡും തമ്മിലുള്ള ഇലക്‌ട്രോണിക് ആശയവിനിമയത്തില്‍ ബുദ്ധിമുട്ടുകള്‍ നേരിട്ടതിനെ തുടര്‍ന്ന് 24 ലേക്ക് മാറ്റി. എന്നാല്‍ ലോഞ്ച് ചെയ്യുന്ന പ്രദേശത്തെ മോശം കാലാവസ്ഥ മൂലം ക്രിസ്മസ് ദിനത്തില്‍ വിക്ഷേപണം നടത്താന്‍ തീരുമാനിക്കുകയായിരുന്നു.
ആദ്യത്തെ പ്രകാശം, ഗാലക്സികളുടെ കൂടിച്ചേരല്‍, നക്ഷത്രങ്ങളുടെയും പ്രോട്ടോപ്ലാനറ്ററി സിസ്റ്റങ്ങളുടെയും ഗ്രഹവ്യവസ്ഥകളുടെയും ജീവന്റെയും ഉത്ഭവം എന്നിവ സംബന്ധിച്ച ചോദ്യങ്ങള്‍ക്ക് ഉത്തരം കണ്ടെത്താന്‍ ദൂരദര്‍ശിനി സഹായിക്കും. നാസ ടിവിയിലൂടെ വിക്ഷേപണത്തിന്റെ തത്സമയ സംപ്രേക്ഷണം കാണാവുന്നതാണ്.
