അന്വേഷണം വാർത്തകൾ ലഭിക്കാന് വാട്സാപ്പ് ചാനലില് ചേരൂ.ടൊവിനോ തോമസിനെ കേന്ദ്ര കഥാപാത്രമാക്കി ആഷിഖ് അബു സംവിധാനം ചെയ്യുന്ന പുതിയ ചിത്രം ‘നാരദൻ്റെ’ ഫസ്റ്റ് ലുക്ക് പോസ്റ്റര് പുറത്ത്. ഒരു കൂട്ടം പഴയ ടെലിവിഷന് സെറ്റുകളില് ഒരു കൊളാഷ് പോലെയാണ് നായകന്റെ മുഖം ഫസ്റ്റ് ലുക്ക് പോസ്റ്ററില് കാണുന്നത്. ടൊവിനോ തൻ്റെ ഫേസ്ബുക്ക് പേജിലൂടെയാണ് പോസ്റ്റര് പങ്കുവെച്ചത്. ചിത്രം 2022 ജനുവരി 27ന് ലോകമെമ്പാടുമുള്ള തീയേറ്ററുകളിലെത്തും. മായാനദിയുടേയും വൈറസിന്റേയും വിജയത്തിനു ശേഷം ടൊവിനോയും ആഷിഖ് അബുവും ഒന്നിക്കുന്ന ചിത്രമാണിത്.
https://www.facebook.com/plugins/post.php?href=https%3A%2F%2Fwww.facebook.com%2FActorTovinoThomas%2Fposts%2F462348955252547&show_text=true&width=500
അന്ന ബെന്നാണ് ചിത്രത്തില് നായികയായി എത്തുന്നത്. ഇരുവരും ആദ്യമായി ഒന്നിക്കുന്ന സിനിമയാണ് ‘നാരദന്’. ഷറഫുദ്ദീൻ, ഇന്ദ്രൻസ്, ജാഫർ ഇടുക്കി, വിജയരാഘവൻ, ജോയ് മാത്യു, രഞ്ജി പണിക്കർ, രഘുനാഥ് പലേരി, ജയരാജ് വാര്യർ തുടങ്ങി വൻതാരനിരയാണ് ചിത്രത്തിലെ പ്രധാനകഥാപാത്രങ്ങളെ അവതരിപ്പിക്കുന്നത്. ഇതിന് പുറമെ നിരവധി പുതുമുഖങ്ങളും ചിത്രത്തിലുണ്ട്.
സന്തോഷ് കുരുവിളയും റിമാ കല്ലിങ്കലും ആഷിഖ് അബുവും ചേർന്നാണ് ചിത്രത്തിൻ്റെ നിർമ്മാണം. ഉണ്ണി ആർ ആണ് ചിത്രത്തിൻ്റെ കഥയും തിരക്കഥയും സംഭാഷണവും ഒരുക്കിയിരിക്കുന്നത്. ജാഫര് സാദിഖ് ആണ് ഛായാഗ്രഹണം. ശേഖര് മേനോന് സംഗീതം നിര്വ്വഹിക്കുന്ന ചിത്രം എഡിറ്റ് ചെയ്യുന്നത് സൈജു ശ്രീധരനാണ്. ചിത്രത്തിൻ്റെ ഒർജിനൽ സൗണ്ട് ട്രാക്ക് നേഹയും യാക്സൺ പെരേരയുമാണ് ഒരുക്കിയിരിക്കുന്നത്. ആർട്ട് ഗോകുൽ ദാസ്. വസ്ത്രാലങ്കാരം മഷര് ഹംസയും. ബെന്നി കട്ടപ്പനയാണ് പ്രൊഡക്ഷന് കണ്ട്രോളര്.
